Luka 8:15 - Miriam Mer Gospels 1902

¹⁵ Abele uader emor debe seb ge, uiaba abele mer asoli, a mamoro epeili, ageakar erpei uiaba nerkep ge, a turum nagri.

Luka 8:15 ပူးပေါင်းရင်းမြစ်များ

Mataio 24:13

Epe abele le niaiem tekue mena bakedida mop ge, E ko eded.

Luka 11:28

E abi detager, kega, Ageakar, E uerkab abele le asoli Ade ra mer, E asesereda.

Luka 6:45

Ege gaire le debe E tais lu debele lu debele tonar, E ikedi muige abara nerkep; abele le adud E tais lu adud lu adud lam E ikedi abara nerkep; abelelam gaire lu muige E abi etomeret abara te.

Luka 8:14

Abele uader lu eipu daradara ge emor, uiaba abele mer asoli, uiaba bakeauare epe gaire dikiapore lu lag geseb ge uiaba nerkep ge badari, pako geseb lu okardarem, pako uader lu lag, abele mer etarapi, abelelam turum nolea ageg.

Luka 8:16

Nolea le lamepa dislik ispilu tanelu ge, pako ikedi sik lokodo ge; debele ikedi tumem giz lamepa ge, iauaekai nagri datki uiaba tabakeauare barot abele meta.

Ioane 14:15

Ese uaba kari lag, uaba ko kara gelar irmili.

Ioane 15:10

Ese uaba kara gelar irmili, uaba ko niaiem tekue kara omare ge: mokakalam kaka Baba ra gelar irmili, epe kaka niaiem tekue abi omare ge.