Luka 8:12 - Miriam Mer Gospels 1902

¹² Abele uader le gab ge emeri, ege uiaba asoli; epe Satana tabarki a abele mer uiabi nerkep ge emor ekadari, iaueakai nolea oituli, a nolea eded nagri.

Luka 8:12 ပူးပေါင်းရင်းမြစ်များ

Mataio 13:19

Ese le asoli abele baselaia ra mer, ese nole akiapor kak, ege adud le abim tabarki, a ais adem abele saido emetu dikri abi nerkep ge. Abele le pedali egared abele saido abele gab ge.

Mataio 13:4

Ege abara saido dikri, epe uader kep abi abele gab ge, ege gaire ebur giz epereda eroli.

MAREKO 4:15

Abele uader le gab ge, abele mer uiabi dog emor; uiaba asereda, epe Satana tabarki, abele mer uiabi nerkep ge emor ekadari.

Luka 8:11

Tonar abele mer babisdarie: abele saido, Ade ra mer pedali.

Luka 8:13

Abele uader tumem neid ge, uiaba abole mer asoli, a sobkak sererege erpei; a uiaba nolea sip kak, a uiaba no neisi neisi gerger oituli, abele gerger mirem tabarki, uiaba sobkak bakesmeri.

Luka 8:5

Nerute amorda le bakeamu ko emor: ege abara saido dikri, epe uader abele kep abi gab ge; uader bakeauare abele gab uiaba teter temaiseletare, a pako ebur giz uiaba eroli.