Luka 7:40 - Miriam Mer Gospels 1902

⁴⁰ Epe Iesu abi detager, kega, Simona, kara mer marim, ege E abi detager, Ereuer le, ma detager.

Luka 7:40 ပူးပေါင်းရင်းမြစ်များ

Mataio 26:49

E sobkak tabarki Iesuim, a abi kega, Rabi ae; a abi eskos.

Mataio 7:22

Gaire le kari detagarare niai gerger, Opole ae, Opole ae, nako keriba nole perofeta mara nei ge? a mara nei ge ko keriba dituaki gaire demoni giz? a mara nei ge ko keriba ikerare gaire adigir?

Luka 18:18

Ege nerute kole lut abi itimer, kega, Ereuer debele, nalu lu kaka ikeli, iaueakai kaka nagri eded aseamur kak?

Luka 5:22

Epe Iesu erdali uiaba dikiaporare, E uiabi detaut, kega, Nako dikiaporare uaba nerkep?

Luka 5:31

Iesu uiabim detaut, kega, Saserim le giz lukup kemle lakak; gim le giz laglag.

Luka 6:8

E umele uiaba dikiapore; epe E abi detager, nerute le tag euselu, Ma ekue, E ekue muige. E sobkak ekue.

Luka 7:39

Ege Faresaio le umele Iesu E mer abim, epe E dikiapore muige abara nerkep, Ese abele le E perofeta, nako E umele abele kosker, pako abara tonar, ege E abi itut: abelelam abele kosker E uit le.

Luka 7:41

Neisi le uiaba damosi nerute le ra mani: nerute le abi damosi denari faif handed, a nerute le fifte.

Ioane 13:13

Uaba kari nabei, Ereuere le, a Opole, uaba debe detaut, abelelam kakanali.

Ioane 16:19

Iesu umele uiaba laglag abim bautumer, E uiabim detaut, kega, Nako uaba uabu deraimerare kara merlam detaut, kega, Menaba, uaba nole kari nasmer, iako menaba, uaba ko kari nasmer?

Ioane 16:30

Peirdi, keriba umele mama opasereret gaire lu uridili, nole lu kar marim nerute le ko marim eutumer: abelelam keriba dikiapor mama tarabu Adelam.

Ioane 3:2

E ki ge Iesuim tabakeam, a abi detager, kega, Rabi, keriba umele ma ereuer le tarabu Adelam: abelelam nole nerute le umele ikeli abele gaire atamelam mama ikeli, ese Ade nole abi dog.