Luka 7:39 - Miriam Mer Gospels 1902

³⁹ Ege Faresaio le umele Iesu E mer abim, epe E dikiapore muige abara nerkep, Ese abele le E perofeta, nako E umele abele kosker, pako abara tonar, ege E abi itut: abelelam abele kosker E uit le.

Luka 7:39 ပူးပေါင်းရင်းမြစ်များ

Mataio 20:16

Mokakalam uader le kekiam a ko keubu, a uader keubu le a ko kekiam. Abelelam gaire le uridili aserare, a neis le mamor epei.

Mataio 21:11

Ege le lakub uiaba kega, Abele Iesu ike, Nazareta perofeta, Galilaialam.

MAREKO 7:21

Abelelam mui le nerkeplam osmeda gaire adud dikiapor, a kogem, a eruam, a le ipit eumilu, a keserkeser,

Luka 12:17

E dikiapor, kega, Nalu lu ka akere, epe nolea pe kes kak, karbara lu aodage?

Luka 15:2

Epe Faresaio giz a aotale giz, uiaba mudi mer, kega, Abele le E kemem uit giz, epe uiaba ereueda okakis.

Luka 16:3

Abele memeg le lut E dikiapor muige abara nerkep ge, Nalu lu ka akerer, abelelam kara opole E kari adem abele dorgelam memeg le sirdamelam? Kaka umer kak daiue; kaka sirip damosi.

Luka 18:4

Uader gerger umer kak asoli: a keubu ga dikiapore muige taba nerkep ge, kega, Kaka nole geum Adim, pako leem;

Luka 3:8

Debele uaba turum nagri abkoreb obazgeda, a uaba nerkep nolea dikiapore, kega, Aberahama keriba aba; abelelam kaka uabim detaut, Ade umele depegeli baker peike ko Aberahama ra omasker.

Luka 7:16

Ege uiaba uridili au geum: ege uiaba Adim naospered, kega, Ege E ekue meribim abele perofeta, E au kale; Ade E dasmer abara ged.

Luka 7:37

Dasmer, nerute kosker abele uteb, abele kosker E uit le; ege emetu erdali E eidi eroli Faresaio ra meta, epe E tais nerute tarpor, debe laglag mitkar,

Luka 7:38

E ekue isorge Iesu ra teter, E ezoli, ege abara ebeb babused Iesu ra teter, E idigiri abara mus, E eskos abara teter, pako desao abara gem abele lukup, debe laglag.

Luka 7:40

Epe Iesu abi detager, kega, Simona, kara mer marim, ege E abi detager, Ereuer le, ma detager.

Ioane 4:19

Koskeret abi detager, kega, Kole, kaka erdali mama perofeta.

Ioane 7:12

Gaire le lakub abim basardare: uader detaut, kega, E debele; a uader, kega, Nolea, E gaire le didmirki.

Ioane 9:24

Uiaba iako neisi dabgeri abele sadamer le, a abi detager, kega, Ade despili: keriba umele adud le dali.