Luka 7:37 - Miriam Mer Gospels 1902

³⁷ Dasmer, nerute kosker abele uteb, abele kosker E uit le; ege emetu erdali E eidi eroli Faresaio ra meta, epe E tais nerute tarpor, debe laglag mitkar,

Luka 7:37 ပူးပေါင်းရင်းမြစ်များ

Mataio 21:31

Nete le neis uerem ikeli taba aba ra lag? Ege uiaba abim kega, Narbet uerem. Ege Iesu uiabim etkalu, Ageakar kaka uabi detager, Kekiam telona giz pako gab kosker giz abele Ade ra baselaia ge bardare, a uaba keubu.

Luka 18:13

Abele telona ekuei muriz ge, umer kak kotorem egreemalu, epe marmot ge bamu, a detager, kega, Kara Ade, ma omare kaka uit le.

Luka 19:7

Ege gaire le giz abi erdarare, a uiaba mudmer, kega, E bakeamu uit le la meta.

Luka 5:30

Faresaio giz a aotale giz, uiaba mudi mer abara kaimeg giz, kega, Nalugelam uaba eroli a ereli okakis telona giz a uit le giz?

Luka 5:32

Kaka nolea tabarki ko gaire barkak tonar dabgeri, debele gaire uit le giz, ueakai uiaba obazgeda.

Luka 7:34

Ege Ade ra Uerem tabarki, E eroli, a ereli; a uaba detager, kega, Dasmer, abele le E au lagelag leuer eroli, a pako uaina ereli, telona giz la le pako uit le!

Luka 7:36

Ege nerute le, Faresaio giz, E abi detager, Meriba eroare okakis. Ege E bakeamulu Faresaio ra meta, epe E eidi, a eroli.

Ioane 11:2

Abele Maria Kole basao muro de, a tabara neisi teter itkir mus de, abara berbet gimgim, pe Lazaro.

Ioane 9:24

Uiaba iako neisi dabgeri abele sadamer le, a abi detager, kega, Ade despili: keriba umele adud le dali.

Ioane 9:31

Meriba umele Ade nole adud le asoli: ese nerute le Adim esorerapare, pako abara dorge ikeli, E ko abi asoli.