Luka 7:34 - Miriam Mer Gospels 1902

³⁴ Ege Ade ra Uerem tabarki, E eroli, a ereli; a uaba detager, kega, Dasmer, abele le E au lagelag leuer eroli, a pako uaina ereli, telona giz la le pako uit le!

Luka 7:34 ပူးပေါင်းရင်းမြစ်များ

Mataio 11:19

Ege Le la Uerem ko tabarki E eroli a eri, ege uiaba mer abim, Dasmer, E au leuer lag, a au lagelag uaina eri, a telona ra kaimeg pako uit le giz! Epe nei atker abele pardale barkak tonar abara omasker.

Mataio 5:46

Abelelam ese uaba abi nasenase uader le uabi nasenase, nalu uaba bodomalam nagri? nako telona giz nole ikerare mokakalam abele tonar?

Mataio 9:11

Faresaio giz abi erdali, uiabi abi detagerare abara kaimeg giz, Nalugelam uaba Ereuerem le kemem leuer eroli a gaire telona giz pako uite le giz?

Luka 11:37

Ege E detaut, nerute Faresaio de abi detager, kega, Kari okakis ereueda: Ege E balu, E emerilu ero.

Luka 14:1

Ege nerute sabath baruk, E bakeamulu nerute kole ra meta, Faresaio le, E lagelag ero, uiaba abi deraimer.

Luka 15:2

Epe Faresaio giz a aotale giz, uiaba mudi mer, kega, Abele le E kemem uit giz, epe uiaba ereueda okakis.

Luka 19:7

Ege gaire le giz abi erdarare, a uiaba mudmer, kega, E bakeamu uit le la meta.

Luka 5:29

Ege Leui E ikeli uetpur abara meta ge abim: gaire telona giz abi kemem, pako uader uteid baiter uiaba eroli okakis

Luka 7:33

Abelelam Ioane Bapataiso tabarki, nolea areto eroli, a nolea uaina ereli; a uaba detager, kega, E nagri demoni abi dog.

Luka 7:35

Abele le pardale, E gaire abara uerem, E debe mer abim.

Luka 7:36

Ege nerute le, Faresaio giz, E abi detager, Meriba eroare okakis. Ege E bakeamulu Faresaio ra meta, epe E eidi, a eroli.

Ioane 12:2

Uiaba abele leuer derser abim: Maretha memeg le; Lazaro uiabi kemem leuer ero abi dog.

Ioane 2:2

Uiaba Iesu a abara kaimeg giz taraisare abele aspirem.