Luka 7:19 - Miriam Mer Gospels 1902

¹⁹ Epe Ioane dabgiri abara kaimeg giz neis le, ege uiabi namariklu Opoleim, kega, Nako mama le tabakeamu, nako keriba naokaili nerute le?

Luka 7:19 ပူးပေါင်းရင်းမြစ်များ

MAREKO 6:7

E tuelf le darabgerare, a ditimeda uiabi namarida neisi le a neisi le; a adigir uiabi nakuarare tumem gaire uite lamar;

Luka 10:1

Keubu, Opole depegeli uader sefenti, E uiabi namarida neisi a neisi le kekiam abara opem, gaire uteb uridili, E keubu.

Luka 11:1

Iesu emri nerute uteb ge, ege E esorerapare, eseemuda, ege nerute abara kaimeg giz, E abi detager, kega, Opole, debele ma keribi dereuerare abele esorerapare, mokakalam Ioane de tabara kaimeg giz nereuerare.

Luka 11:39

Ege Opole abi detager, kega, Uaba Faresaio uaba dirup abele tanelu ge pako abele kumeti; epe muige pe mitkar poipi a adud tonar.

Luka 12:42

Ege Opole detager, kega, Nete memeg le sirdamu, ege E ageakar dikiapor, ege abara opole E ikuar abele sirdam abara memeg le, E uiabi ikuar leuer abkoreb abuar ge?

Luka 13:15

Ege Opole de abi detager, kega, Ma bes le, epe uaba nerute le sabath ge detuemer abara kau pako abara asina kau metalam, naogatare ni namerare.

Luka 17:5

Ege kaimeg giz, Opole detagerare, kega, Ma upinati keriba oituli, ueakai aule.

Luka 17:6

Ege Opole lut uiabi daratagerare, kega, Ese uaba oituli mokakalam sinapi ra turum, a uaba detager abele sukamina, Ma darbumu, a emor gur ge; a nolea ner kak.

Luka 18:6

Ege Opole lut uiabi daratagerare, Ua aserare autumer le la mer.

Luka 19:8

A Sakaio ekuei, a abi detager, kega, Opole, dasmer, kaka arage karbara lu uader nole lu kak; ese nerute le au ueku karim kaka uapum, a kaka bodomalam neis a neis gaber.

Luka 22:61

Ege Opole egreemalu, E abi dasmer Peteru. Epe Peteru de ga dikiapor Iesu ra mer ge, abi detager, kega, Kimiar faul nole ereretikri, ma neis netat kari nasared.

Luka 24:34

Ui ge uiabi daratagerare, kega, Ageakar, Opole ko eded akaida, E etomereti Simonaem.

Luka 7:13

Ege Opole abim erdali, E au omare a au nasenase abim, ege abi detager, Ma nolea ezoli.

Luka 7:20

Ege ui bakeamulei Iesuim, kega, Ioane Bapataiso keribim namarid marim, E detager, kega, Nako mama le tabakeam, nako keriba naokaili nerute le?

Ioane 11:2

Abele Maria Kole basao muro de, a tabara neisi teter itkir mus de, abara berbet gimgim, pe Lazaro.

Ioane 4:1

Opole umele gaire Faresaio aserare, kega, Iesu ko taraisare a bapataiso kaimeg giz tumege Ioane,

Ioane 4:25

Kosker abi detager, kega, Kaka umele Mesaia ia uatabu (nei atker, Keriso:) E emetu tabi, E keribi detomereta gaire lu uridili.

Ioane 6:23

(Gaire nar barkarki Tiberialam, maike abele uteb uiaba areto eroare iobaru Iesu de esoao):