Luka 7:13 - Miriam Mer Gospels 1902

¹³ Ege Opole abim erdali, E au omare a au nasenase abim, ege abi detager, Ma nolea ezoli.

Luka 7:13 ပူးပေါင်းရင်းမြစ်များ

MAREKO 8:2

Kaka le lakub nasenase, abelelam uiaba thri gerger kari dog emri, a nole leuer aro kak;

Luka 10:1

Keubu, Opole depegeli uader sefenti, E uiabi namarida neisi a neisi le kekiam abara opem, gaire uteb uridili, E keubu.

Luka 11:1

Iesu emri nerute uteb ge, ege E esorerapare, eseemuda, ege nerute abara kaimeg giz, E abi detager, kega, Opole, debele ma keribi dereuerare abele esorerapare, mokakalam Ioane de tabara kaimeg giz nereuerare.

Luka 11:39

Ege Opole abi detager, kega, Uaba Faresaio uaba dirup abele tanelu ge pako abele kumeti; epe muige pe mitkar poipi a adud tonar.

Luka 12:42

Ege Opole detager, kega, Nete memeg le sirdamu, ege E ageakar dikiapor, ege abara opole E ikuar abele sirdam abara memeg le, E uiabi ikuar leuer abkoreb abuar ge?

Luka 13:15

Ege Opole de abi detager, kega, Ma bes le, epe uaba nerute le sabath ge detuemer abara kau pako abara asina kau metalam, naogatare ni namerare.

Luka 17:5

Ege kaimeg giz, Opole detagerare, kega, Ma upinati keriba oituli, ueakai aule.

Luka 17:6

Ege Opole lut uiabi daratagerare, kega, Ese uaba oituli mokakalam sinapi ra turum, a uaba detager abele sukamina, Ma darbumu, a emor gur ge; a nolea ner kak.

Luka 18:6

Ege Opole lut uiabi daratagerare, Ua aserare autumer le la mer.

Luka 19:8

A Sakaio ekuei, a abi detager, kega, Opole, dasmer, kaka arage karbara lu uader nole lu kak; ese nerute le au ueku karim kaka uapum, a kaka bodomalam neis a neis gaber.

Luka 22:61

Ege Opole egreemalu, E abi dasmer Peteru. Epe Peteru de ga dikiapor Iesu ra mer ge, abi detager, kega, Kimiar faul nole ereretikri, ma neis netat kari nasared.

Luka 24:3

Ege uiaba barot muige, uiaba nole erdali Iesu ra gem.

Luka 24:34

Ui ge uiabi daratagerare, kega, Ageakar, Opole ko eded akaida, E etomereti Simonaem.

Luka 7:12

Ege E maike te abele uteb ge, dasmer, uiaba bakuare nerute le emetu eumid, abara apu E netat abara uerem, abara kimiar emetu eumid: abele ged gaire le emeri abi dog.

Luka 7:14

Ege E bakeam maike, E itut abele bao; epe, uiaba bakuare le eumid, uiaba ekue. E abi detager, Makeriam, kaka marim detager, Ma ekue.

Luka 7:19

Epe Ioane dabgiri abara kaimeg giz neis le, ege uiabi namariklu Opoleim, kega, Nako mama le tabakeamu, nako keriba naokaili nerute le?

Luka 8:52

Ege uiaba uridili au kase ebazoli, abi au omare: epe E detager, kega, Uaba nolea elele ebazoli; neur nolea eud kak, E uteidi.

Ioane 11:2

Abele Maria Kole basao muro de, a tabara neisi teter itkir mus de, abara berbet gimgim, pe Lazaro.

Ioane 11:3

Neisi abara berbet abim namarida, a detager, kega, Kole, ma dasmer E mama abi nasge, E gimgim.

Ioane 20:13

Uiaba abi detager, kega, Kosker, nalugem mama ezoli? E uiabim detaut, kega, Abelelam uiaba kara Opole egareda, kaka umer kak abele uteb uiaba abi ikedarare.

Ioane 20:15

Iesu abi detaut, kega, Kosker, nalugem ma ezoli? ma niti deraimeri? E dikiapor E gedub paret arup le, E abi detaut, kega, Kole, ese mama abi egaret, kari natager abele uteb mama abi ikedi, ueakai kaka ko abi agaretelu.

Ioane 4:1

Opole umele gaire Faresaio aserare, kega, Iesu ko taraisare a bapataiso kaimeg giz tumege Ioane,

Ioane 6:23

(Gaire nar barkarki Tiberialam, maike abele uteb uiaba areto eroare iobaru Iesu de esoao):