Luka 6:49 - Miriam Mer Gospels 1902

⁴⁹ Ese nerute le asoli, a nolea ikeli, E mokakalam le ikeli abara meta tumem sep ge, nolea giz kak: ege abele ni dodo au kase babuselu, epe abele meta mogem erapei.

Luka 6:49 ပူးပေါင်းရင်းမြစ်များ

Mataio 23:3

Peike uaba mamor asarare a uaba ikerare lu uridili uiaba daratagerare, mamor asarare: epe uaba nole ereuerem uiaba tonar giz; abelelam uiaba no mer detaut, a umer kak ikerare abkoreb.

Mataio 24:10

Abele kerker gaire le asareda, nerute le mirem nerute le, a uiaba ueku uek.

MAREKO 4:17

Epe nole sip kak muige uiaba nerkep ge, abelelam nole niaiem ekue; menaba asiasi a dedkoli abele merlam tabarki, sobkak uiaba bakesmiri.

Luka 12:47

Abele memeg le umele opole dikiapor, a nole arser kak, nole ikeli gaire lu taba akiaporlam, E au damarik;

Luka 19:14

Ege abara ged au ueku abim, abelelam uiaba emarkare, a detagerare, kega, Keriba nole lagelag abele le keriba opole.

Luka 19:27

Nerute, uader kari derar, uiaba nolea kari lakak ko uiaba opole, uaba kari eguatumur peike abele uteb ge, uaba ipit kara opem.

Luka 6:46

Nalugelam uaba etomeret karim, Opole, Opole, a uaba nolea ikeli mokakalam kara mer?

Luka 6:48

Mokakalam nerute le ikeli abara meta, E daiui muimui, E ikedi giz ge neid ge: epe ni dodo au kase babuselu, ege umer kak dimali: abelelam abele giz E ikedi neid ge.

Luka 7:1

Ege abara mer uridili eseamulu, abele ged uiaba asorare, epe E iako bakeamulu Kaperenauma ge.

Ioane 15:2

E ko ismi gaire tam kari dog nole turum kak: a gaire tam turum turum E ko paret, ueakai au turum.