Luka 6:42 - Miriam Mer Gospels 1902

⁴² Nalugelam ma abi detager, mara le, Karim mara pone, kaka adem abele lu puipi mara pone ge: ma nolea umer kak au lu mara pone ge? Ma bes le, ma kekiam adem abele au lu mara pone ge, ueakai ma umele adem puipi nerute le la pone ge.

Luka 6:42 ပူးပေါင်းရင်းမြစ်များ

Mataio 26:75

Epe Peteru ko dikiapor abele mer Iesu abi detager, Nole kimiar faul ereretikri kak, ma neis netat kari asared. Ege osomed E au ezoli.

Mataio 7:3

Nalu ma abi dasmeri lu puipi mara le la pone ge, a ma nole umer kak abele au lu mara pone ge?

Mataio 7:4

Nalugem ma detager mara le, Abkoreb kaka atperedelu lu puipi mara pone; dasmer, abele au lu nagri mara pone ge?

Luka 13:15

Ege Opole de abi detager, kega, Ma bes le, epe uaba nerute le sabath ge detuemer abara kau pako abara asina kau metalam, naogatare ni namerare.

Luka 22:32

A kaka Adim damosi marim, iaueakai mara oituli nole aseemur kak: marim, ese depegeli mara nerkep, a mama au saserim mara le.

Luka 6:41

Nalugelam ma dasmer lu puipi nerute le la pone ge, ma nolea umer kak au lu mara pone ge?

Luka 6:43

Umer kak lu debele adud turum nagri; pako lu adud umer kak debe turum nagri.