Luka 6:30 - Miriam Mer Gospels 1902

³⁰ Debele ma nakuarare uader uridili mari namosed; ese nerute le mara lu gatkam le, ma nolea ko tais.

Luka 6:30 ပူးပေါင်းရင်းမြစ်များ

Mataio 18:35

Mokakalam kara Aba kotor ge E ikeli uabim abkoreb, ese uaba nole tababu omare uaba nerkep kemerkemer uaba le giz uabi dedkoeda.

Mataio 5:39

Epe kakanale uabi detagerare, Uaba nole imara abele adud; ese nerute le mara tuter peik bage erese, ma ko batauerik nerute.

Mataio 6:12

Adem dikri keriba uit, mokakalam keriba dikri ui uridili keribim dedkoeda.

Luka 11:41

Debele ua aisare uaba lu omare; dasmer, gaire lu uridili uaba ogdirup.

Luka 12:33

Debele uaba lu bodomalam, ueakai uabi ikuar; ueakai uaba nagri debe epei, kotor lu nolea eseamur kak, nolea maike eruam le, a nolea degem aro kak.

Luka 18:22

Ege Iesu de asoli abara mer, ege abi detager, kega, Netate lu ma nolea erdali: ma terapei mara lu uridili, ma naisuerare uader le nole lu kak, iaueakai ma nagri debe lu kotor ge: a ma tabakeam, kari narmili.

Luka 6:29

Ese nerute le mari ipit mara ikabu tetapim, ma ikuar nerute ikabu tetapim; ese nerute le ais mara au am uali, ma nolea daisumda mara gem uali.

Luka 6:31

Mokakalam uaba nerkep dikiaporare uiaba ikeli abkoreb uabim, debele uaba ikeli mokakalam.

Luka 6:38

Debele uiabim ikuar, ueakai uabi ikuar; E uiabim ikuar debe uali E badigamo, E sapili pako dikri, E mitkar osmed adige, abelelam uaba turum nagri, a ko uaba turum nagri.