Luka 6:20 - Miriam Mer Gospels 1902

²⁰ Ege E dasmer abara kaimeg giz, E uiabi detager, kega, Uerkab uaba nolea lu kak: abelelam uaba Ade ra baselaia ge.

Luka 6:20 ပူးပေါင်းရင်းမြစ်များ

Mataio 11:5

Gaire le pone asadamer bakaerti, uader le ibibi nakasiri, a lepera idigir, pako grip batapili a asoli, uader le eumid ko eded akaida, a etomeret abele debe mer uiabim gaire lu kak le.

Mataio 25:34

Abele Opole uiabi detager uader le abara tuter tag, Uaba tabakeuare uaba emetu kara Aba uabi ikuar debe mer, uaba uteb abele baselaia, emetu derser uabim a nole detagem abele geseb ge:

Mataio 5:1

Ege E darasmerare abele le lakub, epe E ogi abele paser ge, ege emerilu, epe abara kaimeg giz tabakeuare abim;

Luka 12:32

Uaba nolea geum kak kebi mamoe giz; abelelam uaba Aba E lagelag uabi ikuar abele baselaia.

Luka 13:28

Uaba au ezoli tereg ikupamaretlare, ese uaba erdali Aberahama, pako Isaka, pako Iakobo, pako gaire perofeta uridili Ade ra baselaia ge, a uaba adem dikri.

Luka 14:15

Nerute le emeri okakis eroli, ege E asoli gaire lu, epe E abi detager, kega, Uerkab abele le leuer eroli Ade ra baselaia ge.

Luka 16:25

Ege Aberahama de abi detager, kega, Kara uerem, ma dikiapor, gaire debe lu ma nagri mara eded, a Lazaro nagri adud lu abara eded: a peirdi E nagri sererege, a ma au asiasi.

Luka 4:18

Ege kari tumge Lamar Opole, abelelam E kari depegili etomeret abele mer uader nolea lu kak; ege E kari namarid idigiri uiaba nerkep okasosok, etomeret debe mer uader nolea uteb kak, pako diski pone sadmer, pako omare uader asiasi gaire gerger,