Luka 5:5 - Miriam Mer Gospels 1902

⁵ Simona abi detager, kega, Opole, abele ki ge keriba au sagim, nolea lar nagri: epe mara mer nagri, abelelam kaka net ko bataueret.

Luka 5:5 ပူးပေါင်းရင်းမြစ်များ

Luka 17:13

Ege uiaba ereretikri, kega, Iesu, Opole, keribi omare.

Luka 8:24

Epe uiaba tabakeam, a abi itir, kega, Opole, opole, keriba maike baume. Epe E tekue, a uag daisumda, pako abele au zauber: uiaba ekeamulu, iauaekai metalug.

Luka 8:45

Epe Iesu uiabi detager, kega, Netide kari natutida? Uiaba detaut, kega, Ua? Ui ge, Peteru pako uader le, abi kemem detagerare, Opole, ege gaire le lakub mari dirumedare, nako debele ma detager, Netide kari natutida?

Luka 9:33

Epe ui bakeamulei, a Iesu dikaer, epe Peteru abi detager Iesuim, kega, Opole, debele meriba emeri peike: keriba thri meta akerare; mara nerute, Mose ra nerute, a Elia ra nerute: ege E nole akiapore kak abele mer detager.

Luka 9:49

Ege Ioane de abi detager, kega, Opole, keriba erdali nerute le E imud demoni giz mari nei ge; epe keriba abi daisumdardar, abelelam E nolea meribi irmili.

Ioane 15:14

Ese uaba ikeli gaire lu kaka uabi mer tigri, uaba kara boai.

Ioane 2:5

Abara apu, uiabim gaire memeg le, daratagerare, kega, Abele mer E uabi detagereda, ikerare.

Ioane 21:3

Simona Peteru uiabi detager, kega, Kai nabakeamulu net asaperem. Uiaba abi detaut, kega, Ki ko nabakeuare mari kemem. Uiaba bakeuare, a nar ge ekauererti; abele ki ge, uiaba nole lar kak.