Luka 5:26 - Miriam Mer Gospels 1902

²⁶ Uiaba uridili au damrare, uiaba naospered Adim; ege uiaba au geum, kega, Abelelam kerkar abele lu meriba erdalare abele gerger.

Luka 5:26 ပူးပေါင်းရင်းမြစ်များ

Mataio 12:23

Ege gaire le lakub uridili abi damered, a uiaba mer, kega, Nako nole Dauida ra Uerem pedali?

Mataio 28:8

Ui bakeamlei dudum abele aolam, ui geum a au sererege; a koreder etomeret abara kaimeg giz.

Mataio 9:8

Epe le lakub abi erdarare, uiaba sererege, a desperare Adim, E nakuarare abele sirdam le mokakalam.

MAREKO 2:12

E ekueda, a sobkak tabara sik ekaida, a E osmeda uiaba op uridili; abelelam uiaba uridili damereda, a Ade despili, kega, Meriba nole dasmerauem tonar mokakalam.

Luka 1:65

Ege uader maike abi dog ga erdarare uiabim ga geum barkare; abele mer dordor paser ge Iudaia ge ga esao.

Luka 5:8

Ege Simona Peteru umele, epe abi ekesmeri Iesu ra teter ge, kega, Opole, ma bakeamulu karielam, abelelam kaka uit le.

Luka 7:16

Ege uiaba uridili au geum: ege uiaba Adim naospered, kega, Ege E ekue meribim abele perofeta, E au kale; Ade E dasmer abara ged.

Luka 8:37

Abele uteb Gadara ge uridili, uiaba ko abi damsare, kega, Keriba ged ma dekaer; abelelam ui au geum: ege E ko bakeamulu nar ge, E atiem.