Luka 5:17 - Miriam Mer Gospels 1902

¹⁷ Nerute gerger, E uiabi ereuerem; ege Faresaio giz pako ereuer le abele gelar giz, uiaba tabakeauare nerute uteb Galilaialam, pako Iudaia, pako Ierusalema; ege nagri Opole ra adigiri, abelelam E nadgirare uiabim.

Luka 5:17 ပူးပေါင်းရင်းမြစ်များ

Mataio 11:5

Gaire le pone asadamer bakaerti, uader le ibibi nakasiri, a lepera idigir, pako grip batapili a asoli, uader le eumid ko eded akaida, a etomeret abele debe mer uiabim gaire lu kak le.

Mataio 15:1

Ege aotale le pako Faresaio giz uiaba tabakeuare Iesuim Ierusalemlam, kega,

MAREKO 1:45

E bakeamuda, a ditimeda ko daratagerare, a detager deraueili, abelelam Iesu nole umer kak paret kak ekas abele ged, E soge purge emeri; gaire le abim tabakeuare abgedlam.

MAREKO 16:18

Uiaba ko tabu giz erpei, ese uiaba eudeud lukup ereli, uiaba nole eud kak; uiaba ko tag giz gim le giz dikmerik, uiaba nadgirauem.

MAREKO 3:22

Aotale giz Ierusalemalam tabakeuare uiaba detager, kega, Belezebul abi dog, E demoni giz imuda opolelam demoni giz.

MAREKO 5:30

Sobkak Iesu abara nerkep ge opasereret nerute adigir osmeda abielam, E gaire le ge eipu egreemalu, a detager, kega, Nete kara am uali ge ekepeli?

MAREKO 7:1

Faresaio giz, a uader aotale giz, netat gedim abim Ierusalemalam.

Luka 15:2

Epe Faresaio giz a aotale giz, uiaba mudi mer, kega, Abele le E kemem uit giz, epe uiaba ereueda okakis.

Luka 2:46

Ege thri gerger barkare, ui ge abi erdali zogo meta ge, ege emeri muige ereuerem ge, E lagelage asoli, a gako uiabi nautumerare ereuerem tonarem.

Luka 5:21

Epe aotale giz pako Faresaio giz uiaba dikiaporare, kega, Nete le dali E adud mer Adim? Nete umele uit idigiri, no Ade tepteb?

Luka 5:30

Faresaio giz a aotale giz, uiaba mudi mer abara kaimeg giz, kega, Nalugelam uaba eroli a ereli okakis telona giz a uit le giz?

Luka 6:19

Ege gaire le lakub uridili uiaba lagelag abi dog ekepili: abelelam E nagri adigiri, ege uiaba uridili idigiri.

Luka 7:30

Epe Faresaio giz, pako ereuer gelar giz, uiaba adem Ade ra sirdam, abelelam uiaba nolea lagelag abara bapataiso.

Luka 8:46

Ege Iesu detager, kega, Nerute le lut kari natutida: abelelam kaka umele nagri adgiri karielam emetu bakeamu.

Ioane 3:10

Iesu etkalu, a abi detager, kega, Nako, ma Isaraela ereuer le, a nole erdali abele gaire lu?

Ioane 3:21

Gaire le ageakar ikereda, uiaba datkim tabakeuare, ko uiaba dorge paret kak, abele emetu ikereda Adim.