Luka 4:41 - Miriam Mer Gospels 1902

⁴¹ Ege gaire demoni giz uiaba osmed, ereretikri, kega, Mamanali Keriso Ade ra Uerem. Ege E uiabi daisumda, ege uiaba umer kak mer atager abim; abelelam uiaba umele E Keriso.

Luka 4:41 ပူးပေါင်းရင်းမြစ်များ

Mataio 26:63

Epe Iesu nole mer kak. Ege zogo le abim detager, kega, Kaka mari detager, Ma iskosi keribim edede Ad ra nei, nako mama Keriso Ade ra Uerem?

Mataio 4:3

E toabukilu abele le mirem, kega, Ese mama Ade ra Uerem, ma detager gaire baker a depegire leuer ise.

Mataio 8:16

Epe kikem, uiaba taraisare gaire le demoni barota; epe namuare adud lamar giz abele abara merlam, E idigiri uiaba gim le giz:

Mataio 8:29

Darasmer, neis le ereretikri, kega, Nalu mara mer keribim, Iesu ae, Ade ra Uerem? Nako ma tabakeam ike keribim ikeli asiasi a nole bakedida abele niai kerker?

Mataio 8:4

Ege Iesu abi detager, kega, Debele ma nole atomeret kak nerute le; a ma bakeamulu mabu, etomeret abele zogo le, a ma abi ikuar zeku lu mokakalam Mose ra gelar, atamelam uiabim.

MAREKO 1:25

Iesu abi daisumdalu, kega, Bamer, a teosmeda abielam.

MAREKO 1:32

Kikem, lem baraigida, uiaba abim taraisare gaire, gim le, a gaire le sumes lamar nagri.

MAREKO 1:34

E idigiri gaire tonar gim le, a imuda sumes lamar giz; E nole gaire demoni emarida ko mer egali, abelelam uiaba abi opasereret.

MAREKO 3:11

Uite lamar giz abi dasmerare, uiaba abim bakesmeri, a ereretikri, kega, Mamanali Ade ra Uerem.

Luka 4:39

Epe E ekue maike abi dog, ege abi daisumda abele gim urueri; epe sobkak eseamud: epe E ekue, a uiabi memeg le.

Ioane 20:31

Emetu abele gaire lu detali ueakai uaba dikiaporauem, kega, Iesu Keriso kar, Ade ra Uerem: ueakai uaba onatereda, uaba ko eded nagri abi neilam.