Luka 4:15 - Miriam Mer Gospels 1902

¹⁵ Ege E ereuerem uiaba sunagoem, ege gaire le uridili abi despered.

Luka 4:15 ပူးပေါင်းရင်းမြစ်များ

Mataio 13:54

E bakeamulu a osmeda taba ged ge, E uiabi ereuerem uiaba sunago, a uiaba abi damared, a mer detagerare, kega, Abele la E nagelam abara pardale pako adigir?

Mataio 4:23

Ege Iesu deraueilu Galilaia uridili, E uiabi ereuerem uiaba sunago giz, E natomertare debe mer abele baselaia ge, a idigiri gim le giz gako asiasi gim abele ged uridili.

Mataio 9:35

Ege Iesu deraueli gaire utebe uridili pako kebi utebe, a ereuerem uiaba sunago ge, a marau abele baselaia ra debe mer, E nadgirare gim le uridili, pako au asiasi gim le abele ged ge.

Mataio 9:8

Epe le lakub abi erdarare, uiaba sererege, a desperare Adim, E nakuarare abele sirdam le mokakalam.

MAREKO 1:27

Uiaba uridili damered, a mer atager, kega, Nalu pedali? nako abele kerkar ereuerem? abelelam sumes lamar giz E sirdam adigir, uiaba abi asoli.

MAREKO 1:39

E marau muige gaire uiaba sunago Galilaia uridili, a demoni giz imuda.

MAREKO 1:45

E bakeamuda, a ditimeda ko daratagerare, a detager deraueili, abelelam Iesu nole umer kak paret kak ekas abele ged, E soge purge emeri; gaire le abim tabakeuare abgedlam.

Luka 13:10

Ege E uiabi ereuerem nerute sunago, sabath ge.

Luka 4:16

Ege E Nazareta tabarki, ege E bataili abele ged ge: epe E barot abele sunago sabath ge, mokakalam abara tonar, ege E tekue ko etag.