Luka 24:44 - Miriam Mer Gospels 1902

⁴⁴ A E uiabi daratagerare, kega, Abele mer kaka uabi detagereda, abele kerker kaka uabi kemem, abkoreb iako ageakarem gaire lu uridili emetu detali karielam Mose ra gelar, pako perofeta giz, a Salamo.

Luka 24:44 ပူးပေါင်းရင်းမြစ်များ

Mataio 1:22

Uao bakedida gaire lu uridili, iaueakai ageakarem Opole ra mer, abele perofeta, kega,

Mataio 16:21

Abele kerker Iesu ditimedlu ko natomertare abara kaimeg giz abkoreb E Ierusalemaem bakeamulu, ko gaire lu aiasi ikeli abim gaire aule giz pako zogozogo le giz pako aotale giz, uiaba abim ipitare eumida, E ko eded akaida thri gerger.

Mataio 26:54

Nako nole bakedida gaire iauali zogo, abkoreb bakedida abele gaire lu?

Mataio 26:56

Gaire lu uridili ikerare, iaueakai bakedilu gaire perofeta giz uiaba iauali. Abara kaimeg giz abi dikaerti, a uiaba derar.

MAREKO 9:31

Iesu abara kaimeg giz ereuerem, a uiabi detagereda, kega, Le la Uerem ko emarida uiabim gaire le la tag, uiaba ko abi ipit eumilu; uiaba emetu abi ipit eumilu, E iako eded akaida keubu gerger thri.

Luka 21:22

Abelelam abele kerker bodomalam, iaueakai gaire lu ageakarem emetu detarare.

Luka 22:37

Abelelam kaka uabi detagereda, kega, Debele karim ageakarem abele lu emetu detar, A okakis etag uader uit tonar le; abelelam pe gaire lu karim emetu detarda maike detomeret.

Luka 24:46

E uiabi daratagerare, kega, Emetu detali, Abkoreb Keriso asiasi, a thri gerger ko eded akaida eudlam;

Luka 9:22

Kega, Abkoreb gaire lu asias Ade ra Uerem, pako aule giz abi dikaer, pako zogozogo le giz, pako aotale giz, uiaba abi ipitare, a thri gerger ko eded.

Luka 9:44

Uaba mamoro asoli abele mer: abelelam Ade ra Uerem maike uadikuarare le la tag.

Ioane 3:14

Mokakalam Mose taba armem agisilu abele soge purge, pako mokakalam Le la Uerem ko arem agisilu:

Ioane 5:39

Uaba deraimerare jauali zogo ge, abelelam uaba dikiapor uaba eded nagri aseamur kak abielam; abele karim ageakarem.

Ioane 5:46

Ese uaba Mose egaret, uaba kari ko nagaret, abelelam E kari naotali.