Luka 23:5 - Miriam Mer Gospels 1902

⁵ A uiaba mena elele detager, kega, Epe E desakili abele ged ge, E ereuerem Iudaia uridili, E ditimeda Galilaia, a bakedida abele uteb.

Luka 23:5 ပူးပေါင်းရင်းမြစ်များ

Mataio 11:1

Emetu Iesu mer tigri abara kaimeg giz tuelf le, ege E adem bakeamulu abele utebelam, a ereuerem pako etomeret uiaba utebim.

Mataio 2:1

Abele kerker ge Iesu esmelu muige Bethelema Iudaia ge, abele kerker ge Heroda opole, dasmer, makoi le tabakeuare naiger pekelam Ierusalemaem,

Mataio 27:24

Pilato umele uiaba nole asoli abara mer, a uiaba au sasemi, E ekao abele ni abara tag dirup gaire le lakub ra opem, a uiabi kega, Kaka ogog kak abele barkak tonar le ra mam: uabu abele.

Mataio 4:23

Ege Iesu deraueilu Galilaia uridili, E uiabi ereuerem uiaba sunago giz, E natomertare debe mer abele baselaia ge, a idigiri gim le giz gako asiasi gim abele ged uridili.

MAREKO 1:14

Emetu Ioane didbari, Iesu bakeamulu Galilaiaem, ko marau Ade ra debe merkem, kega,

Luka 11:53

Ege abele mer E uiabi detager, uiaba aotale a Faresaio giz au ueku; uige abi mirem itimerare gaire lu gem;

Luka 23:23

A uiaba elele ereretikri, a damos, iauaekai abi satauroem. Uiaba kodomer au saserim, pako zogozogo le giz.

Luka 23:6

Ege Pilato abele lu asor, E nautumerare, kega, E Galilaia le?

Ioane 1:43

Iuaokaer, Iesu laglag Galalaiem bakeam, E Filipo erdalu, a abi detager, Kari narmili.

Ioane 19:15

Uiaba elele ereretikri, kega, Egardare, egardare, abi satauroem. Pilato uiabi detager, kega, Nako, kaka uaba Opole satauroem? Gaire zogo tarim le etkalu, kega, Keriba nole opole kak, Kaisara tepteb.

Ioane 2:11

Abele degraretelu gaire Iesu ra adigir, E ikerare abele Kana ge Galilaia, a abi zorom etomelu; abara kaimeg giz abi odaratarare.

Ioane 7:41

Uader datager, kega, E Keriso. A uader detager, kega, Nako, Keriso osmeda Galilaialam?

Ioane 7:52

Uiaba detaut, a abi detager, kega, Nako ma Galilaialam? Deraimer, a dasmer: nole perofeta dikedida Galilaialam.