Luka 22:42 - Miriam Mer Gospels 1902

⁴² E abi detager, kega, Aba, ese ma lagelag, abele tanelu karielam adem: kara lag nole ikeli, debele mabara lag ikeroa.

Luka 22:42 ပူးပေါင်းရင်းမြစ်များ

Mataio 11:25

Peike abele haua ge Iesu abi detager, kega, Kaka marim esoao, kara Baba ae, kotor Opole pako geseb ge, abelelam ma ispi gaire lu ike gaire pardale le giz pako umele le, a ma etomeret gaire lu ike uiabim gaire uerem giz:

Mataio 11:26

Peike kara Baba ae, abelelam mara lag mokakalam.

Mataio 20:22

Ege Iesu etkalu, a uiabi kega, Uaba umer kak abele lu ua kari namosi. Nako uaba umele ereli abele tanelu kaka are, a ko bapatiso abele kari bapatiso ge? A neis le abim kega, Keriba umele.

Mataio 26:39

E kebikebi bakeam, a E etkobeilu, a esorerapare, kega, Kara Aba ae, ese umele, adem abele tanelu karielam; epe nole kara lag ikeli, mabara lag ikeli.

Mataio 26:42

E iako bakeam, a esorerapare, kega, Kara Aba ae, ese nole umele adem abele tanelu karielam, mena kaka aree, mabara lag ikeli.

Mataio 26:44

E uiabi dikaer, a ko bakeam esorerapare abele neis netat bakeam, E no netat mer detager.

Mataio 6:10

Mamoro mara baselaia sepem uatabu. Ikeroa mabara lag abele gesep ge, mokakalam kotor ge.

MAREKO 14:36

E detager, kega, Aba, Baba, mama umele gaire lu eseemuda; karielam ekao abele tanelu; epe nole kara lag ikeli mabara lag ikeli.

Luka 23:34

Epe Iesu abi detager, kega, Kara Aba, ma uiabi idigir; abelelam uiaba umer kak abele lu uiaba ikeli. A ui ge abara am uali barapeirare, a luglug ikeli.

Ioane 18:11

Iesu Peteru detager, kega, Mabara tebur ausos tulik iako sorge dasiri: nako, kaka nole are kak abele tanelu Baba de kari nakuar?

Ioane 4:34

Iesu uiabi detager, kega, Kara leuer ko ikeli abara lag, kari namarida, a ko eseamuda abara dorge.

Ioane 5:30

Kaka nole umer kak nerute lu ikeli karababu; kaka itmer mokakalam kaka asoli: kaka barkak itmer, abelelam kaka nole kara lag deraimer, mamoro Baba ra lag, kari namarida.

Ioane 6:38

Abelelam kaka nole kotorlam tarabu ko ikeli kara lag, mamoro abara lag, E kari namarida.