Luka 21:34 - Miriam Mer Gospels 1902

³⁴ Ua mamoro dasmer, iaueakai uaba nerkep nole beber, a gebgeb, a paim, a nole badumu geseb lugem, abelelam abele gerger keserkeser tabarki:

Luka 21:34 ပူးပေါင်းရင်းမြစ်များ

Mataio 13:22

Abele le egared abele saido abele sumez lu daradar, abele le E asoli abele mer, epe abara nerkep okadeskedi gaire lu abele gesep ge, pako abele bes lu lag a edarabi abele mer, epe nole turum kak.

MAREKO 13:9

Uaba mamoro dasmer; uiaba uaba kotem emarik; a uaba ipit sunago ge; a uaba tegared gauana giz a au opole giz ra op karielam, uiabim atamelam.

MAREKO 4:19

Epe gaire dikiapor lu lag geseb ge uiabi nerkep ge badari, pako geseb lu okardarem, pako uader lu lag, abele mer etarapi, epe nole turum kak.

Luka 10:41

Ege Iesu de abi detager, kega, Maretha, Maretha, ma lu lag gesebge, no pama geseb lu dikiapoare:

Luka 12:40

Abele lu ua derser: abelelam abele gerger ua nolea akiapor kak, Ade ra Uerem tabarki.

Luka 17:3

Ua uabim: ese mara le adud tonar marim, ma barditug; ese obazegeda ma abi idigiri.

Luka 21:35

Abelelam mokakalam pom tabarki, gaire le uridili emeri geseb ge.

Luka 21:8

E uiabim detaut, kega, Uaba mamoro dikiaporare, nerute le uabi okardare: abelelam gaire le ko uatabarkare kara nei ge, kega, Kakanali. Ege abele kerker maike: uaba nole uiabim irimili.

Luka 8:14

Abele uader lu eipu daradara ge emor, uiaba abele mer asoli, uiaba bakeauare epe gaire dikiapore lu lag geseb ge uiaba nerkep ge badari, pako geseb lu okardarem, pako uader lu lag, abele mer etarapi, abelelam turum nolea ageg.