Luka 20:14 - Miriam Mer Gospels 1902

¹⁴ A gedub le giz abi erdarare, ege uiaba mer batagerare, kega, Abkesem peike: mi abi apitare, iaueakai mi aisare abara ged.

Luka 20:14 ပူးပေါင်းရင်းမြစ်များ

Mataio 16:7

Ege uiaba mer atager, kega, Abara merlam, abelelam meriba nole areto tais.

Mataio 21:25

Nako Ioane ra bapataiso nagelam? nako kotorlam, nako lelam? Ege uiaba mer atager, kega, Ese meriba daratager, kega, Kotorlam; ege E meribim detager, Nalugelam uaba nole oatur kak abim?

Mataio 21:34

Maike nur abi, E uiabim namarkare abara memeg le giz uiaba uina gedub le, ko taraisare gaire uina turum.

Luka 19:47

Ege E ereuerem muige zogo meta gaire gerger. A zogozogo le giz, pako aotale giz, pako tarim le, abele ged ge, ege uiaba lagelag abi ipit:

Luka 20:13

Ege abele gedub kem le lut dikiapore, kega, Nalu ka akailu? kaka namariklu kabara nasnas uerem: nako, uiaba abi erdali, a abi omare.

Luka 20:15

A uiaba adem emarikare sorem abele gedublam, a ui abi ipitare eumilu. Nalu lu gedub kem le lut uiabim ikeli abkoreb?

Luka 20:19

Ege zogozogo le giz, pako aotale giz, uiaba lagelag abi erpei abele haua ge; a uiaba au geum abele ged; abelelam uiaba umele, abele mer uiabim babisdarie.

Luka 20:5

A ui mer batagerare, kega, Ese meriba detaut kotorlam; mena E meribi detager, kega, Nalugelam uaba nole abi oituli?

Luka 22:2

Zogozogo le, pako aotale giz uiaba deraimerare nalu tonar uiaba ko abi ipitare; abelelam uiaba au geum abele ged.