Luka 2:14 - Miriam Mer Gospels 1902

¹⁴ Ua ge desperare Ade ra kotor lu, uerkab ge gesepem, au omare le uridili.

Luka 2:14 ပူးပေါင်းရင်းမြစ်များ

Mataio 21:9

Abele gaire le lakub uader le kekiam pako uader le irmili, a uiaba ereretikri, kega, Hosana abele Dauida ra Uerem: Mapodan le tabarki Opole ra nei, Hosana gaire lu tumge.

Luka 1:79

Datki ga baziarare gesepem kupikupiem, datki moar degrered meriba teter gab karem.

Luka 19:38

Ege uiaba detautare, kega, Uerkab pe abele Opole, tabarki Iehoua ra nei ge: uerkab kotor ge, a deseper abele lu tumege.

Luka 2:13

Ege dumdumge angela de okakis gaire urker ge kotor ge, epe uiaba desperare Iehoua, kega,

Luka 2:15

Ege angela giz bakeauare kotorem, ui ge mamoe giz naseseredlare a mer nakesmurare, kega, Debele mi nabakeauare Bethelemaem, ko dasmerare abele lu Iehoua de meribi uadetametare.

Luka 3:22

Epe abele Lamar Zogo uatabu abi tumge, abara roai mokakalam dibadib ise, ege abele kodo mer kotorlam, kega, Mama kara Uerem idali; kaka mari sererege.

Ioane 14:27

Mapodan kaka uabi dog ikeli; kaka uabi ikuar kara mapodan: kaka nole uabi ikuar mokakalam gesep ikuar. Nole okasosok uaba nerkep, a nole geum.

Ioane 17:4

Kaka emetu mari naospili geseb ge, kaka emetu eseamuda abele dorge ma kari nakuar ko akere.

Ioane 3:16

Abele absaimarsaimar Ade ra omare gesepem, gako E ikuar abara Uerem netate, epe nole eud kak, abele le abi oituli, mamoro E nagri eded aseamur kak.