Luka 18:13 - Miriam Mer Gospels 1902

¹³ Abele telona ekuei muriz ge, umer kak kotorem egreemalu, epe marmot ge bamu, a detager, kega, Kara Ade, ma omare kaka uit le.

Luka 18:13 ပူးပေါင်းရင်းမြစ်များ

Mataio 10:3

Filipo, a Batolomaio; a Toma, a Mataio telona le; a Iakobo Alefaia ra uerem, pako Lebaio abara nei Tadaio;

Mataio 6:5

Ese ma abi esorerapare, ma nole mokakalam bes le giz; abelelam uiaba lagelag esorerapare sunago ge a gab uasuli opem gaire le, iaueakai gaire le uiabi darasmerare. Ageakar kaka uabi detagereda, Uiaba nagri bodomalam.

Mataio 9:13

Ua bakeuare a ereuerem nalu tonar abele mer, Kaka lagelag abele nasenas, a nole abele zegu lu; abelelam kaka nole tabarki darabgerare gaire le barkak tonar, epe uite le giz uiaba obazgeda.

MAREKO 11:25

Ua taba ko esorerapare, ese nerute le uabi dedkoeda, abi emariklu; iako uaba Aba kotor ge uaba uit emarik.

Luka 17:12

Nerute uteb ge osmelu, ge obapitare ten lepera kem, ege uiaba ekue muriz ge:

Luka 22:41

Ege E bakeamulu adem uiabielam, mokakalam baker murzem batauered; E kokamamu, a esorerapare.

Luka 23:48

Ege uader le giz etameare abele uteb ge, uiaba dasmerare abele lu, a marmot ge bamuare, a bakomeret.

Luka 5:8

Ege Simona Peteru umele, epe abi ekesmeri Iesu ra teter ge, kega, Opole, ma bakeamulu karielam, abelelam kaka uit le.