Luka 17:22 - Miriam Mer Gospels 1902

²² Ege E uiabi daratagerare, tabara kaimeg giz, Keubu gerger tabarki uaba lagelag erdali netate gerger Le la Uerem, a nole ardar kak.

Luka 17:22 ပူးပေါင်းရင်းမြစ်များ

Mataio 9:15

Ege Iesu de uiabi daratagerare, Umer kak okasosok gaire kaimeg le, abele le kerkar ispit abara kosker, abele uader gerger uiabi kemem, a niai kerker tabarki le ispit adem bakeamulu uiabielam, epe uiaba leueru baili.

MAREKO 2:20

Kerker niai tabarki, le ispida uiabielam egared, abele gaire gerger uiaba leueru baili.

Luka 13:35

Dasmer, uaba meta dikaer dedkoli; ageakar, kaka Uabi detager, Uaba nole kari umer kak, keubu gerger uaba detautare, kega, Uerkab abele le tabaruk Opole nei ge.

Luka 5:35

Kerker niai tabarki; le ispida uiabielam egared, abele gaire gerger uiaba leueru baili.

Ioane 12:35

Iesu uiabim detaut, kega, Datki teupei uabi dog. Bakeuare kerker uaba datki nagri uabi dog, kupkupilam uabim tabarki: abele le ki ge degemili, E nole umer kak E na gedim bakeam.

Ioane 13:33

Omasker, teupei kaka uabi dog. Uaba ko kari naraimili; mokakalam kaka Iudaia giz detaut, mokakalam kaka uabi detaut peirdi, kega, Abele uteb kaka bakeamulu, uaba umer kak ko bakeam.