Luka 16:9 - Miriam Mer Gospels 1902

⁹ Kaka uabi detagereda, Abele mamona nole barkak tonar uabim, iaueakai uaba tebud keubu uabi tegaret uiaba meta niai karem.

Luka 16:9 ပူးပေါင်းရင်းမြစ်များ

Mataio 19:21

Iesu abim detager, Ese ma lagelag debele kemerkemer, mara tonar ma bakeam a ko terapei gaire mara lu, ma uiabi nakuarare gaire lu kak le, iaueakai mara lu nagri kotor ge gaire debe lu giz, a ma tabakeam, kari narmili.

Mataio 6:19

Uaba nole aukase deraimerare uaba gesep lu, a nagri degem gako lee umele eseamulu, a nagri le eroam, E abi daiui a ko eroam:

Mataio 6:24

Umer kak le memeg neis opole; abelelam E derar nerute le, epe E nase nerute le; ese nole, E ekpi nerute le ge, epe dituaki nerute le. Uaba umer kak memeg le Adim a gako mamona.

Luka 11:41

Debele ua aisare uaba lu omare; dasmer, gaire lu uridili uaba ogdirup.

Luka 12:33

Debele uaba lu bodomalam, ueakai uabi ikuar; ueakai uaba nagri debe epei, kotor lu nolea eseamur kak, nolea maike eruam le, a nolea degem aro kak.

Luka 14:14

Iaueakai ma uerkab; abelelam uiaba umer kak mari bodomalam: ia mari bodomalam keubu gerger, gaire le oituli ko obako.

Luka 16:11

Ese uaba nole ageakar, abele mamona nole barkak tonar, nete le uabi ikuar abele lu giz kar asesered?

Luka 16:13

Memeg le umer kak dorge ikeli uiabim neisi opole: abelelam E derar nerute le, E omare nerute le; epe nerute, E maike nerute le, a dituaki nerute le. Uaba umer kak Ade ra memeg le, pako mamona.

Luka 16:4

Kaka umele abele lu kaka ikeli, iaueakai ese E kari adem abele dorgelam, a uiaba ko kari nagared uiaba utebem.