Luka 16:15 - Miriam Mer Gospels 1902

¹⁵ E uiabi daratagerare, kega, Uaba tonar no bes barkak le la opem; epe Ade umele dikiapore uaba nerkep: abelelam ese debe lu le la opem, E adud Ade ra opem.

Luka 16:15 ပူးပေါင်းရင်းမြစ်များ

Mataio 23:5

Gaire uiaba dorge uridili ikerare, iaueakai le giz uiabi darasmerare: uiaba ikerare au filakteri, pako ko au sisero uiaba am uali,

Mataio 6:16

Ese uaba leuer baili, nole opauzi mokakalam bes le giz; abelelam uiaba dedkoli uiaba op, iaueakai gaire le nardarare uiaba leuer baili. Ageakar ka uabi detagereda, Uiaba bodomalam nagri.

Mataio 6:2

Epe ike, ese ma abi nase lu nakuarare, ma nole maber dibiri mara opem mokakalam bes le giz a sunago ge, a gab ge, iaueakai le giz uiabi naosepereda. Ageakar kaka uabi detagereda, Uiaba nagri bodomalam.

Mataio 6:5

Ese ma abi esorerapare, ma nole mokakalam bes le giz; abelelam uiaba lagelag esorerapare sunago ge a gab uasuli opem gaire le, iaueakai gaire le uiabi darasmerare. Ageakar kaka uabi detagereda, Uiaba nagri bodomalam.

Luka 10:29

Epe E lagelage tababu barkakem, E Iesui detager, kega, Kaka umele, na le mai kes kari dog?

Luka 11:39

Ege Opole abi detager, kega, Uaba Faresaio uaba dirup abele tanelu ge pako abele kumeti; epe muige pe mitkar poipi a adud tonar.

Luka 18:11

Faresaio no tepteb ekue, E gebgeb esorerapare abele mer, Ade, kaka marim esoao, kaka nole mokakalam uader lu gatkamer le, adud tonar, a eruam, a nole mokakalam abele telona.

Luka 18:14

Kaka uabi detager, kega, Abele le bakeamu taba metaem, E debele, nole mokakalam nerute: abelelam E lagelag aule, le kebile; abele le E lagelag kebile, E aule.

Luka 18:21

Ege E abi detager, kega, Kaka irmili gaire lu uridili kebi ueremlam.

Luka 18:9

E ge daratagerare abele mer babisidarie uiabim uader le, uiaba dikiapor oituli, a uader dituaki:

Luka 20:20

Ui ge deraimerare, a uader namarkare abi dasmerare, a uiaba bes oituli, iaueakai nagri mer, a uiaba ais ikuar opole ra tagem a sirdamem.

Luka 20:47

Ege uader dedkoli mai kosker ra meta, a uiaba esorerapare au perper: E ispilu, a keubu uiaba au bodomalam.

Ioane 2:25

A abelelam nole abi abkoreb nerute le ko etomereti nerute le la tonar; abelelam E umele abele gaire lu muige le la nerkep ge.

Ioane 21:17

E iako thri abi detager, kega, Simona, Iona ra uerem, ma kari lag? Peteru okabatageli abelelam E thri abi detager, kega, Ma kari lag? E abi detaut, kega, Opole ma umele gaire lu uridili; a ma umele kaka mari lag. Iesu abi detager, kega, Kara mamoe giz darasisiare.