Luka 15:24 - Miriam Mer Gospels 1902

²⁴ Abelelam kara uerem peike, E eumida, a ko eded akaida; E badimirida, a ko erdali. Ege uiaba sererege.

Luka 15:24 ပူးပေါင်းရင်းမြစ်များ

Mataio 8:22

Ege Iesu abi detager, Kari narmili; a dikaer eud le giz uiaba etkobei eud le giz.

MAREKO 8:22

Uiaba Bethesaida tabakeuare. Uiaba nerute le asamasam abim tegaret, a abi damos ko abi itut.

Luka 10:19

Dasmer, kaka uabi ikuar abele sirdam ko tabo E sapiri pako bokani, pako saserim uridili le tekelar: nole nerute lu adud uabim.

Luka 15:23

Debele tais kebi kau toertoer, ipit abele, mi aroare, a sererege:

Luka 15:25

Abara narbet uerem emeri sumez ge: E tabakeamulu maike uiaba meta ge, ege asoli uiaba uarup erem, a uedakiriare.

Luka 15:32

Ege abkoreb mi sererege: abelelam mara le pedali, E eumida, a ko eded akaida; E badimirida, a ko erdali.

Luka 15:4

Nete uaba le nagri mamoe netate handed, ese nerute mamoe obadimirik, ikedi nainte nain sumez ge, E bakeamu deraimer mamoe badimirida, E lagelag uaerdar?

Luka 19:10

Abelelam Ade ra Uerem tabarki deraimerare le badimirida, ueakai uerkabu.

Luka 9:60

A Iesu abi detager, kega, Debele ikedi le eumida uiaba etkobei; marim abkoreb ma ekue etomeret Ade ra baselaia ge.

Ioane 11:25

Iesu abi detaut, kega, Kaka abele eded akaida, pako eded: abele le karim oituli, ese eud, E ko eded:

Ioane 5:21

Mokakalam Aba gaire eud obakiam, a uiabi nadgirare; mokakalam Uerem nadgirare gaire le E laglag.