Luka 15:2 - Miriam Mer Gospels 1902

² Epe Faresaio giz a aotale giz, uiaba mudi mer, kega, Abele le E kemem uit giz, epe uiaba ereueda okakis.

Luka 15:2 ပူးပေါင်းရင်းမြစ်များ

Mataio 11:19

Ege Le la Uerem ko tabarki E eroli a eri, ege uiaba mer abim, Dasmer, E au leuer lag, a au lagelag uaina eri, a telona ra kaimeg pako uit le giz! Epe nei atker abele pardale barkak tonar abara omasker.

Mataio 9:11

Faresaio giz abi erdali, uiabi abi detagerare abara kaimeg giz, Nalugelam uaba Ereuerem le kemem leuer eroli a gaire telona giz pako uite le giz?

Luka 15:3

Ege E uiabi daratagerare nerute mer babisdarie, kega,

Luka 19:7

Ege gaire le giz abi erdarare, a uiaba mudmer, kega, E bakeamu uit le la meta.

Luka 5:30

Faresaio giz a aotale giz, uiaba mudi mer abara kaimeg giz, kega, Nalugelam uaba eroli a ereli okakis telona giz a uit le giz?

Luka 7:34

Ege Ade ra Uerem tabarki, E eroli, a ereli; a uaba detager, kega, Dasmer, abele le E au lagelag leuer eroli, a pako uaina ereli, telona giz la le pako uit le!

Luka 7:39

Ege Faresaio le umele Iesu E mer abim, epe E dikiapore muige abara nerkep, Ese abele le E perofeta, nako E umele abele kosker, pako abara tonar, ege E abi itut: abelelam abele kosker E uit le.