Luka 12:33 - Miriam Mer Gospels 1902

³³ Debele uaba lu bodomalam, ueakai uabi ikuar; ueakai uaba nagri debe epei, kotor lu nolea eseamur kak, nolea maike eruam le, a nolea degem aro kak.

Luka 12:33 ပူးပေါင်းရင်းမြစ်များ

Mataio 19:21

Iesu abim detager, Ese ma lagelag debele kemerkemer, mara tonar ma bakeam a ko terapei gaire mara lu, ma uiabi nakuarare gaire lu kak le, iaueakai mara lu nagri kotor ge gaire debe lu giz, a ma tabakeam, kari narmili.

Luka 11:41

Debele ua aisare uaba lu omare; dasmer, gaire lu uridili uaba ogdirup.

Luka 12:21

Mokakalam le etami gaire lu, tabara lu, a nolea lu nagri Adelam.

Luka 16:9

Kaka uabi detagereda, Abele mamona nole barkak tonar uabim, iaueakai uaba tebud keubu uabi tegaret uiaba meta niai karem.

Luka 18:22

Ege Iesu de asoli abara mer, ege abi detager, kega, Netate lu ma nolea erdali: ma terapei mara lu uridili, ma naisuerare uader le nole lu kak, iaueakai ma nagri debe lu kotor ge: a ma tabakeam, kari narmili.

Ioane 12:6

E nole abele detaut abelelam E gaire le lu kak omare; epe E eruam le, a epei abi dog, E tais gaire lu arot.