Luka 11:9 - Miriam Mer Gospels 1902

⁹ Kaka uabi detager, kega, Debele uaba damos, ueakai uaba nagri; uaba deraimer, ueakai nagri; uaba mudmud, E uabi diski.

Luka 11:9 ပူးပေါင်းရင်းမြစ်များ

Mataio 21:22

Gaire lu uridili uaba karim damosare abele esoreraparlam, a oaturlam nagri, uaba ko nagri.

Mataio 21:31

Nete le neis uerem ikeli taba aba ra lag? Ege uiaba abim kega, Narbet uerem. Ege Iesu uiabim etkalu, Ageakar kaka uabi detager, Kekiam telona giz pako gab kosker giz abele Ade ra baselaia ge bardare, a uaba keubu.

Mataio 6:29

Kaka uabi detagereda, Ege Solomona, gako abara au debe lu giz, E nole abara am uali mokakalam abele nerute uiaba.

MAREKO 11:24

Abelelam, kaka uabi detagereda, kega, Gaire lu uridili uaba damos esorerapare ge, oituli uaba ko nagri, epe uaba ko nagri.

MAREKO 13:37

Abele mer kaka uabi detagereda, kaka uiabim gaire le uridili detagereda, Derser.

Luka 11:10

Abelelam, ese le abi damos, E nagri; le deraimer, a erdali; le mudmud, E abi diski.

Ioane 14:13

Gaire lu uridili ua damsare kara nei ge, kaka ikeli abele, ueakai Aba despili Uermet.

Ioane 15:16

Uaba nole kari natarare, epe kaka uabi ditararda, a uabi depegereda, ueakai ua bakuare turum turum, a uaba turum niaiem tekue: ueakai Baba de ua dekuarare gaire lu uridili ua abi damsare kari neilam.

Ioane 15:7

Ese uaba kara nerkep ge bameri, a kara mer uabi nerkep ge tarageri, ua ko damsare gaire lu uaba lagelag, ueakai ikeli uabim.

Ioane 4:10

Iesu detaut, a abi detager, kega, Ese mama umele abele lu Ade ikuar, pako le dali mari natager, Kari ni nakuar; ese mama emetu abi damos, E ko mari nakuar eded ni.