Luka 11:18 - Miriam Mer Gospels 1902

¹⁸ Ese Satana tababu barili a epuli, nako E umele niaiem ekue, pako abara baselaia? abelelam, pe ua detager, kega, Belezebul, abelelam ka demoni imuda.

Luka 11:18 ပူးပေါင်းရင်းမြစ်များ

Mataio 10:25

Au debele okakis ereuer le mokakalam abele le abi ereuerem, a ko abele memeg le mokakalam abara opole. Ese uiaba nei atker abele boai ra opole Belezebul, nako uiaba nole ikeli mokakalam abara boai?

Mataio 12:26

Ese Satana imuare Satana, ege abi kurabkurab, a uekueku abim; Nako niaiem tekuei abara baselaia?

Mataio 4:10

Iesu abi detager abim, Ma adem bakeam Satana, abelelam emetu detarare, Mama abi esorgiru abele Opole mara Ade, E tepeteb mama abi memeg le.

Mataio 4:24

Ege abara mer esauer a aserare Suria uridili; epe uiaba taraisare abim gim le giz uridili a gaire tonar gim; gako uader le asiasi demoni giz uiabi dedkoli, a uader le paim gim gako le giz ibibi; E uiaba uridili nadgiri.

Luka 11:15

Uader le batagelare, kega, Belezebul, demoni giz opole, abelelam E umeli demoni imud.