Luka 11:13 - Miriam Mer Gospels 1902

¹³ Uaba adud tonar, ese uaba umele gaire debe lu naisuerare uaba omasker, mokakalam uaba Aba, emeri Kotor ge, E uabi uadekuarare Lamar Zogo uaba damos?

Luka 11:13 ပူးပေါင်းရင်းမြစ်များ

Mataio 5:16

Uaba datki mokakalam le la opem, iaueakai uiaba erdali uaba debe tonar, uiaba naospered uaba Aba emeri kotor ge.

Mataio 5:45

Iaueakai uaba Baba emerilu abele kotor ge abara uerem giz uabim; E abi emarid abara lem uiabim uader le adud tonar, a uader le debe tonar, E abi emarida irmir ko abi uader le barkak tonar, gako uader le adud tonar.

Mataio 6:14

Abelelam ese uaba dikri le la uit; ege uaba Aba dali kotor ge adem dikri uaba uit.

Mataio 6:30

Ese Ade abi ikuar mokakalam am uali abele gaire lu ged sumez, eded abele gerger a ko batauered idim ge abele amei uteb, nako uaba nole au debe am uali nagri, uaba kebi oituli?

Mataio 6:32

Abelelam gaire lu peike gaire nogle giz deraimerare; abelelam uaba Aba penoka dali abele kotor ge, E dasmerauem gaire lu uridili abkoreb uabim.

Mataio 7:11

Dasmerare, uaba adud le, ese uaba umele nakuarare debe lu uaba omasker giz, nako uaba Aba penoka dali kotor ge, nole uabi nakuarare au debe lu giz uiaba le abi damsare?

Luka 11:12

Ese abi damos kalkal ra uer, nako E ikuar bokani, a nolea ikuar kalkal uer?

Luka 11:2

Ege E uiabi detager, kega, Ua esorerapauem mokakalam, kega, Keriba Aba kotor ge, zogoem mara nei. Mamoro mara baselaia sepem uatabu. Ikeroa mabara lag abele geseb ge, mokakalam kotor ge.

Luka 18:7

Ege Ade uapum abelelam gaire abara le, uiaba ner kak ereretikri gerger ge a ki ge, nako uiaba itimer uiaba lu?

Ioane 4:10

Iesu detaut, a abi detager, kega, Ese mama umele abele lu Ade ikuar, pako le dali mari natager, Kari ni nakuar; ese mama emetu abi damos, E ko mari nakuar eded ni.