Luka 11:1 - Miriam Mer Gospels 1902

¹ Iesu emri nerute uteb ge, ege E esorerapare, eseemuda, ege nerute abara kaimeg giz, E abi detager, kega, Opole, debele ma keribi dereuerare abele esorerapare, mokakalam Ioane de tabara kaimeg giz nereuerare.

Luka 11:1 ပူးပေါင်းရင်းမြစ်များ

Luka 10:42

Nerute lu pe debele; ege Maria de dikiapore debe lu, nole nerute le abielam ais.

Luka 11:2

Ege E uiabi detager, kega, Ua esorerapauem mokakalam, kega, Keriba Aba kotor ge, zogoem mara nei. Mamoro mara baselaia sepem uatabu. Ikeroa mabara lag abele geseb ge, mokakalam kotor ge.

Luka 6:12

Abele gaire gerger, Iesu bakeamulu nerute paser ge E esorerapare; E Adim damosi ki ge ueeseamur.

Luka 7:13

Ege Opole abim erdali, E au omare a au nasenase abim, ege abi detager, Ma nolea ezoli.

Luka 7:19

Epe Ioane dabgiri abara kaimeg giz neis le, ege uiabi namariklu Opoleim, kega, Nako mama le tabakeamu, nako keriba naokaili nerute le?

Luka 9:18

E tepteb esorerapare, abara kaimeg giz uiaba okakis: epe E uiabi nautumerare, kega, Nako gaire le la mer karim nete?

Luka 9:28

Ege gaire mer eseamulu, nako eit gerger, epe E abi ais Peteru, pako Ioane, pako Iakobo, ege uiaba ogi nerute tumem perepere paser ge, E esorerapare.