Luka 1:76 - Miriam Mer Gospels 1902

⁷⁶ A mama kebile ae, uiaba gaire le mari nei atker Ageakar Opole ra perofeta: abelegelam ma kekiam Iehoua ra opem derser abara gab ge;

Luka 1:76 ပူးပေါင်းရင်းမြစ်များ

Mataio 14:5

E lagelag abi ipiti eumid, epe E geum gaire le lakub, uiaba dikiaporare E perofeta pedali.

Mataio 21:26

Ese meriba abi detagerare, Lelam; meriba geum gaire le lakub; abelelam uiaba uridili dikiaporare Ioane E perofeta.

Mataio 3:11

Kaka uabi bapataiso abele ni iaueakai uaba obazger; epe nerute le kari keubu ekas E au kale kari tumge, kaka nole abkoreb tais abara teter gab; E uabi bapataiso abele Lamar Zogo, gako abele ur;

Mataio 3:3

Abelelam E dali Isaia perofeta detager, kega, Abele kodo le ereretikri abele sumez ge, Uaba paret Opole ra gab, a dirup abara gab.

MAREKO 11:32

Ese meriba detagerare, kega, Lelam: uiaba geum gaire lelam, abelelam gaire le uridili Ioane egared mokakalam perofeta kar.

Luka 1:32

E au kale, a nei etkeroa, Ageakar Opole ra Uerem: a Ade de abi nakuar ko emeri Dauida ra sik, abara aba:

Luka 1:35

A ge angela etkalu abim, kega, Lamar Zogo natabu, a Ageakar Opole ra adigir mari tumge; abelelam mabara uerem zogo, tabara nei, Ada ra Uerem.

Luka 6:35

Debele uaba omare uader uabim derarti, pako urker uabim, debele uaba debe dorge uiabim, pako ikuar mani uader uabi damosi, uaba nolea dikiapore lu abkoreb; ueakai bodomalam nagri, uaba Ade ra omasker: abelelam E omare uit le, pako gaire adud le.

Ioane 1:23

E detaut, kega, Kaka kodo ereretikrili soge purge, kega, Barditugili Iehoua ra gab, mokakalam Isaia perofeta detauter.

Ioane 1:27

E dali kari sorge ikas au kale kari tumem, kaka nole abkoreb ko detue abara teter gab mukub.

Ioane 3:28

Uaba kari ageakarem, karielam detaut, kega, Kaka nole Keriso, epe kaka taramarida abi opem.