Ioane 9:7 - Miriam Mer Gospels 1902

⁷ A abi detager, kega, Bakeam, dirup Siloam keper (tonar abele nei, Namarida). E bakeam, a dirup, iako tabakeam mamoro dasmer.

Ioane 9:7 ပူးပေါင်းရင်းမြစ်များ

Mataio 11:5

Gaire le pone asadamer bakaerti, uader le ibibi nakasiri, a lepera idigir, pako grip batapili a asoli, uader le eumid ko eded akaida, a etomeret abele debe mer uiabim gaire lu kak le.

Luka 13:4

Uader eitin le, E erapei uiabi tumge abele kar Seloam ge, ege ui baum, nako, aule uiaba uit le uridili emeri Ierusalema ge?

Luka 2:32

Abele datki erperida gaire zuber ged, pako zoromzorom mara ged Isaraela.

Ioane 10:36

Nako, uaba detager abi abei abele Aba zogoem a gesepem namarida, kega, Ma baospili; abelelam kaka detager, kega, Kaka Ade ra Uerem?

Ioane 11:37

Epe uader detaut, kega, Nako, abele le sadamer le la neisi pone diski, E umer kak daisumda a nole eud kak abele le?

Ioane 9:11

E detaut, kega, Abele le, nei atker Iesu, sep mog detagem, a kara neisi pone asauem, a kari natager, kega, Bakeam Siloamem, a dirup: kaka bakeam, a dirup, epe kaka bakaerti.

Ioane 9:39

Iesu detager, kega, Kaka geseb ge tabarki ko barditug, ueakai bakaerti gaire le asmer kak; epe gaire le dasmer ko sadamer.