Ioane 9:4 - Miriam Mer Gospels 1902

⁴ Meriba dorge ko ikerare abara dorge, kari namarida, gerger ge; ki ko tabarki, nole le umer kak dorge ikeli.

Ioane 9:4 ပူးပေါင်းရင်းမြစ်များ

Mataio 20:7

A uiaba abi detagerare, Nole le keribi detager. E uiabi detager, Ua ko bakeuare abele uina gedub, a uaba nagri lu abkoreb.

MAREKO 3:3

E le tag euselu detager, kega, Eipu ekueda.

Ioane 10:32

Iesu uiabim detager, kega, Dordor gaire debe dorge kaka uabi detomereta karba Abalam; na dorgelam uaba kari bakeru natimeda?

Ioane 10:37

Ese kaka nole ikeli abele gaire kara Aba ra dorge, nole kari agaret kak.

Ioane 12:35

Iesu uiabim detaut, kega, Datki teupei uabi dog. Bakeuare kerker uaba datki nagri uabi dog, kupkupilam uabim tabarki: abele le ki ge degemili, E nole umer kak E na gedim bakeam.

Ioane 17:4

Kaka emetu mari naospili geseb ge, kaka emetu eseamuda abele dorge ma kari nakuar ko akere.

Ioane 4:34

Iesu uiabi detager, kega, Kara leuer ko ikeli abara lag, kari namarida, a ko eseamuda abara dorge.

Ioane 5:19

Iesu detaut, a uiabim daratagerare, kega, Ageakar, ageakar, kaka uabi detagereda, Uerem umer kak tababu dorge ikeli, epe mamoro E Ab dasmer ikeli: gaire lu E ikerare, Uerem ko abele keli.

Ioane 5:36

Aule kara ageakarem tumem Ioane; abelelam gaire dorge Baba kari nakuar ko eseamuda, abele gaire dorge kaka ikeli, ko karim ageakarem, kega, Baba de kari namarida.

Ioane 7:33

Iesu uiabim detaut, kega, Teupai kaka uabi dog emri, kerker maike kaka abim bakeamulu, kari namarida.