Ioane 9:39 - Miriam Mer Gospels 1902

³⁹ Iesu detager, kega, Kaka geseb ge tabarki ko barditug, ueakai bakaerti gaire le asmer kak; epe gaire le dasmer ko sadamer.

Ioane 9:39 ပူးပေါင်းရင်းမြစ်များ

Mataio 11:5

Gaire le pone asadamer bakaerti, uader le ibibi nakasiri, a lepera idigir, pako grip batapili a asoli, uader le eumid ko eded akaida, a etomeret abele debe mer uiabim gaire lu kak le.

Mataio 15:14

No dikaer uiabim: uiaba sadamer le ko datkimoardare sadamer le. Ese abele sadamer le datkimoardare nerute sadamer le, epe uiaba neis le ekesmiri abele au uak.

Mataio 6:23

Ese mara pone adud, a mara gem kupikup uridili. Dasmer, ese kupikup abele be muige mari dog, uaiai au kupikup!

Luka 1:79

Datki ga baziarare gesepem kupikupiem, datki moar degrered meriba teter gab karem.

Luka 13:30

Dasmer, uader keubu ko kekiam, uader kekiam ko keubu.

Luka 2:34

Ege Simeona E uerkab uiabim, ege abi detager Maria abara apu, kega Dasmer, abele uerem iridi uader ekesmeri a ko ekuei gaire le lakub Isaraela; abele atamelam uiaba abi dedkoli;

Luka 4:18

Ege kari tumge Lamar Opole, abelelam E kari depegili etomeret abele mer uader nolea lu kak; ege E kari namarid idigiri uiaba nerkep okasosok, etomeret debe mer uader nolea uteb kak, pako diski pone sadmer, pako omare uader asiasi gaire gerger,

Luka 7:21

Abele gerger gaire gim le E idigiri, pako asiasi gim, pako demoni giz; pako ikuar ueakai gaire le pone sadmer uiaba bakaerti.

Ioane 12:31

Peirdi dulam gesepem tabarki: peirdi ko adem imu geseb tarim le.

Ioane 12:46

Kaka nabue geseb datki, ueakai nole kupkup ge emri gaire le uridili karim oituli.

Ioane 3:17

Ade nole emarida abara Uerem gesepem ko gesep mer barditug; epe mamoro gesep eded abielam.

Ioane 3:19

Abele mer barditug, datki gesepem tabarki, gaire le kupkup laglag tumem datki, abelelam uiaba dorge adud.

Ioane 8:12

Iesu iako uiabim detaut, kega, Kaka geseb datki: abele le kari narmili E nole kupkupi ge bakeam, epe E nagri datki eded.

Ioane 8:15

Uaba erkepse irmi gem ge irmili; kaka nole nerute le erkepse irmi.

Ioane 9:25

E detaut, kega, Ese E adud le, kaka umer kak: netate lu kaka umele, emeret kaka sadamer, a peirdi kaka bakaerti.