Ioane 9:30 - Miriam Mer Gospels 1902

³⁰ Abele le uiabim detaut, kega, Dame lu peik, uaba nole umer kak E nagelam, a E emetu kara neisi pone diski.

Ioane 9:30 ပူးပေါင်းရင်းမြစ်များ

Mataio 11:5

Gaire le pone asadamer bakaerti, uader le ibibi nakasiri, a lepera idigir, pako grip batapili a asoli, uader le eumid ko eded akaida, a etomeret abele debe mer uiabim gaire lu kak le.

Mataio 21:42

Iesu uiabi detager, Nako uaba nole etag abele jauali zogo, Abele baker gaire meta tonar le desauersili, a dikri, a mena ko ikeli kop tumge; abele lu Opole ikeli, meriba dasmerare, a abi damreda?

MAREKO 6:6

E au damreda uiabielam uatur kak. E bakeamuda deraueida abele gaire kebi uteb ge, a okadeskeda.

Luka 7:22

Epe Iesu uiabim detaut, kega, Ua bakeamulam, uaba etomeret Ioaneim gaire lu uaba emetu erdali, pako lu uaba emetu asoli; sadmer bakaerti, pako ibibi le emetu ekasereder, pako lepera emetu ogdirup, a grip eudgamad emetu diski asoli, uader eumid uiaba ko ekuei, a debe mer marau uiabim uader le nolea lu kak.

Ioane 12:37

E ikerare gaire adigir uiabi opem, epe uiaba nole abim oatur kak:

Ioane 3:10

Iesu etkalu, a abi detager, kega, Nako, ma Isaraela ereuer le, a nole erdali abele gaire lu?

Ioane 9:29

Keriba umele Ade Mose detaut: epe ki umer kak nagelam abele le dali.

Ioane 9:31

Meriba umele Ade nole adud le asoli: ese nerute le Adim esorerapare, pako abara dorge ikeli, E ko abi asoli.