Ioane 9:29 - Miriam Mer Gospels 1902

²⁹ Keriba umele Ade Mose detaut: epe ki umer kak nagelam abele le dali.

Ioane 9:29 ပူးပေါင်းရင်းမြစ်များ

Mataio 12:24

Gaire Faresaio giz aserare, a uiaba mer abielam, Ese nole Belezebul demona giz opole, umer kak abele le demona imud.

Mataio 26:61

Abele le keribi detager, Kaka umele Ade ra zogo meta ezageri, kaka umele ko ikeli neis netate gerger.

Luka 23:2

A abi etomeretare, kega, Keriba erdali abele le, E mer desakili abele ged ge, E daisumda nole Kaisarai lu aisuerare, kega, E Keriso Opole.

Ioane 1:17

Abele gelar Mose de dekuarare, abele omare a ageakar tonar, Iesu Kerisolam.

Ioane 7:27

Epe meriba umele E nagelam; a Keriso tabarki, nole le umele E nagelam.

Ioane 7:28

Iesu ereretiki zogo meta ge, E okadeskeda a detager, kega, Uaba kari umele, a uaba umele kaka nagelam; kaka nole karbabu tabarki, E ageakar, kari namarida, a uaba abi umer kak.

Ioane 8:14

Iesu uiabim detaut, kega, Ese karababu kari ageakarem, kara mer ageakar; abelelam kaka umele kaka nagelam, a kai na gedim bakeam; uaba nole umer kak kaka nagelam, a kai na gedim bakeam.

Ioane 9:16

Uader Faresaio giz detager, kega, Abele le nole Adelam, E nole sabath irmili. Uader detaut, kega, Nako, adud le umele ikeli gaire atamelam mokakalam? Uiaba nakesmulu.

Ioane 9:24

Uiaba iako neisi dabgeri abele sadamer le, a abi detager, kega, Ade despili: keriba umele adud le dali.

Ioane 9:30

Abele le uiabim detaut, kega, Dame lu peik, uaba nole umer kak E nagelam, a E emetu kara neisi pone diski.