Ioane 9:24 - Miriam Mer Gospels 1902

²⁴ Uiaba iako neisi dabgeri abele sadamer le, a abi detager, kega, Ade despili: keriba umele adud le dali.

Ioane 9:24 ပူးပေါင်းရင်းမြစ်များ

MAREKO 15:27

Neisi eruam le kemem abi dog satauroem; nerute le abi tuter tag, a nerute le abi ber tag.

Luka 15:2

Epe Faresaio giz a aotale giz, uiaba mudi mer, kega, Abele le E kemem uit giz, epe uiaba ereueda okakis.

Luka 19:7

Ege gaire le giz abi erdarare, a uiaba mudmer, kega, E bakeamu uit le la meta.

Luka 7:39

Ege Faresaio le umele Iesu E mer abim, epe E dikiapore muige abara nerkep, Ese abele le E perofeta, nako E umele abele kosker, pako abara tonar, ege E abi itut: abelelam abele kosker E uit le.

Ioane 14:30

Kaka nole iako perepere mer atager uabim, abelelam geseb tarim ko tabarki: a nole nerute abara lu kari dog;

Ioane 16:2

Uiaba ko uabi dituaki sunagolam: kerker ko tabarki abele le uabi ipitare, E ko dikiapor E Ade ra dorge ikeli.

Ioane 18:30

Uiaba abi detaut, kega, Ese E nole adud ikeli, keriba nole abi emarik marim.

Ioane 19:6

Gaire zogo tarim le, a gaire asesered le abi dasmer, uiaba elele ereretikri, kega, Satauroem, satauroem. Pilato uiabim detaut, kega, Ua abi egardare, a satauroem: abelelam kaka nole nerute uit ardar kak abi dog.

Ioane 5:23

Eko gaire le uridili Uerem naospereda, mokakalam uiaba Aba naospereda. Abele le nole Uerem naospereda, E ko nole Aba naospereda, abi emariklu.

Ioane 8:46

Nitide uabim kari uit natomerti? Ese kaka ageakar detaut, epe nako uaba nole kari oatur kak?

Ioane 8:49

Iesu detaut, kega, Kara nole nagri demoni; ege kaka kara Aba naospereda, a uaba kari nakekeli.

Ioane 9:16

Uader Faresaio giz detager, kega, Abele le nole Adelam, E nole sabath irmili. Uader detaut, kega, Nako, adud le umele ikeli gaire atamelam mokakalam? Uiaba nakesmulu.

Ioane 9:25

E detaut, kega, Ese E adud le, kaka umer kak: netate lu kaka umele, emeret kaka sadamer, a peirdi kaka bakaerti.