Ioane 8:6 - Miriam Mer Gospels 1902

⁶ Uiaba detaut abele ge ko abi mirem, ueakai nagri mer ais abielam. Iesu esorgiru, a seb ge detali tagu.

Ioane 8:6 ပူးပေါင်းရင်းမြစ်များ

Mataio 10:16

Dasmer, kaka uabi demarida mokakalam mamoe giz eipu gaire luko giz; abelelam uaba pardali mokakalam tabo, a au mapodan mokakalam lupe.

Mataio 15:23

Epe E nole mer kak abim. Ege abara kaimeg giz abim tabakeuare abi damsare, kega, Ma abi namarid ege bakeamulu, abelelam E mena meribi irmili a ereretikri.

Mataio 16:1

Ege Faresaio giz pako Sadukaio giz abim tabakeuare, a uiaba abi mirem, kega, Ma keribi detomertare nerute atamelam kotorlam.

Mataio 19:3

Ege gaire Faresaio giz abim tabakeuare, a uiaba abi mirem, kega, Nako gelar nagri nerute le dituaki abara kosker a gaire luglam?

Mataio 22:18

Iesu opasereret uiaba nerkep adud, a uiabi kega, Uaba bes le giz, nalugelam uaba kari mirem?

Mataio 22:35

Ege nerute uiaba gelar ereuer le, abi itimer mirem kega,

Mataio 26:63

Epe Iesu nole mer kak. Ege zogo le abim detager, kega, Kaka mari detager, Ma iskosi keribim edede Ad ra nei, nako mama Keriso Ade ra Uerem?

MAREKO 10:2

Faresaio giz tabakeuare, a uiaba abi eutumer, kega, Nako, gelar nagri nerute le abara kosker dituaki? Uiabi abi mirem.

MAREKO 12:15

Nako, keriba ko ikuar, a keriba nole akuar kak? Epe E opasereret uiaba okardare, a uiabim detager, kega, Nalugelam uaba kari mirem? denari kari nakuar, kaka dasmer.

MAREKO 3:2

Uiaba abi keikei dasmerare, nako, E abi idigiri sabath ge; uiaba ko abara mer atrumda.

MAREKO 8:11

Faresaio giz abim tabakeuare, a ditimeda abi basaret, ko abi mirem, abi itmer atamelam kotorlam.

Luka 10:25

Dasmer, ege nerute le ekuei, ereuerem gelar giz, E abi mirem, kega, Ereuer le, nalu lu kaka ikeli ueakai kaka nagri eded niaiem niai karem?

Luka 11:16

Uader le giz abi mirem, ege uiaba abi deraimerare atamelam kotorlam.

Ioane 8:2

Idim ge, Iesu iako zogo meta ge balu, gaire le lakub abim tabakeuare; E emri, a uiabim okadeskeda.