Ioane 8:55 - Miriam Mer Gospels 1902

⁵⁵ Uaba nole abi umer kak: kaka abim umele; ese kaka detaut, kega, Kaka nole abi umer kak, kaka iako besbes mokakalam uaba; epe kaka abim umele, a abara mer asoli.

Ioane 8:55 ပူးပေါင်းရင်းမြစ်များ

Mataio 11:27

Kara Aba kari nakuarare gaire lu uridili; nole le erdali abele Uerem, epe abele Aba; a nole le erdali abele Aba, epe Uerem tepteb, pako nerute le Uerem lagelag abi etomeret.

Luka 10:22

Ege kara Aba gaire lu E kari naisuer: nole le ardar kak abele Uerem, epe abara Aba; nole le erdali abele Aba epe abara Uerem, pako nerute le abara Uerem E lagelage abi etomeret.

Ioane 1:18

Nole le Ade asmer kak; epe abara Uerem tepteb taba Aba ra marmot, E etomeret.

Ioane 10:15

Mokakalam Baba kari nasmeli, abkoreb kaka Baba nasmeli; kaka ko ikuar karbaba eded uiabim gaire mamoe.

Ioane 15:10

Ese uaba kara gelar irmili, uaba ko niaiem tekue kara omare ge: mokakalam kaka Baba ra gelar irmili, epe kaka niaiem tekue abi omare ge.

Ioane 15:21

Abele gaire lu uridili uiaba uabim ikeli kara neilam, abelelam uiaba nole abi umer kak kari namarida.

Ioane 16:3

Uiaba ko ikeli abele gaire lu, abelelam uiaba nole umer kak Aba, a kaka.

Ioane 17:25

Geseb ge nole mari opasereret kak, Aba barkak: epe kaka mari opasereret, a uiaba umele mama kari namarida.

Ioane 6:46

Nole nerute le Baba dasmer, mamoro E Adelam, E Baba dasmer.

Ioane 8:19

Uiaba abi detautare, kega, Mara Aba nade? Iesu detaut, Uaba nole kari umer kak, a kara Aba: ese uaba kari umele, uaba kara Aba umele.

Ioane 8:29

E kari dog, kari namarida; E nole kari nakaerti; abelelam kaka gaire lu ikeli abim sererge.

Ioane 8:44

Uaba uaba abalam diabolo, uaba lagelag uaba abara lag ikeli. E dipe le gizelam, a nole ageakar, abelelam nole nerute ageakar abi dog. Ese E bes mer detaut, E detaut tababielam; abelelam E besbes, a aba bes apu.

Ioane 8:51

Ageakar, ageakar, kaka uabi detager, kega, Ese nerute le kara mer asoli, E nole eud asmer kak niai karem.

Ioane 8:52

Iudaia giz abi detautare, Peirdi keriba umele mari dog demoni. Aberahama emetu eumida, pako gaire perofeta; a mama detager, kega, Ese nerute le kara mer asoli, E eud asmer kak niai karem.