Ioane 8:52 - Miriam Mer Gospels 1902

⁵² Iudaia giz abi detautare, Peirdi keriba umele mari dog demoni. Aberahama emetu eumida, pako gaire perofeta; a mama detager, kega, Ese nerute le kara mer asoli, E eud asmer kak niai karem.

Ioane 8:52 ပူးပေါင်းရင်းမြစ်များ

Mataio 11:18

Abelelam Ioane tabarki E nole eroli a nole eri, ege uiaba mer abim, E nagri demoni abi dog.

Ioane 1:19

Ge Ioane de ageakarem peik, uiabi Iudaia giz gaire zogo le a gaire Leui namarida Ierusalemlam, ko abi itmerare, kega, Ma nete?

Ioane 14:23

Iesu abi detaut, kega, Ese le kari lag, E mena kara mer erpei: kara Baba ko abi lag, epe ki tabarki abim, a abi kemem emri.

Ioane 15:20

Dikiaporare kara mer kaka uabi detager, kega, Memeg le nole aule tumem abara opole. Ese uiaba emetu kari natkoli, uiaba ko uabi dedkoeda; ese uiaba emetu kara mer erpei, uiaba ko uaba mer erpei.

Ioane 17:6

Kaka emetu mara nei etomeret uiabim gaire le mama kari nakuar geseplam: uiaba mara le, mama uiaba kari nakuar: uiaba emetu mara mer irmili.

Ioane 7:20

Gaire le lakub abim detaut, kega, Demoni mari dog: niti de mari naraimeli mari uanapit?

Ioane 8:22

Iudaia le giz mer atager, kega, Nako, tababu ko abi ipit, abelelam E detager, kega, Uaba umer kak ko bakeam abele utebem kaka bakeam?

Ioane 8:48

Iudaia giz abi detaut, kega, Nako, keriba nole barkak detaut ma Samaria le, a demoni mari dog?

Ioane 8:51

Ageakar, ageakar, kaka uabi detager, kega, Ese nerute le kara mer asoli, E nole eud asmer kak niai karem.

Ioane 8:55

Uaba nole abi umer kak: kaka abim umele; ese kaka detaut, kega, Kaka nole abi umer kak, kaka iako besbes mokakalam uaba; epe kaka abim umele, a abara mer asoli.

Ioane 9:24

Uiaba iako neisi dabgeri abele sadamer le, a abi detager, kega, Ade despili: keriba umele adud le dali.