Ioane 8:47 - Miriam Mer Gospels 1902

⁴⁷ Abele le Adelam, Ade ra mer asoli: uaba nole asor kak, abelelam uaba nole Adelam.

Ioane 8:47 ပူးပေါင်းရင်းမြစ်များ

Ioane 12:48

Abele le kari natuaki, a nole kara mer egaret, abi dog dulam: abele mer kaka detaut, E dali abi dulam keubu gerger.

Ioane 18:37

Pilato abi detager, kega, Nako, ma opole? Iesu detaut, kega, Ma detager kaka opole. Abelelam kaka naosmeda, abelelam kaka gesepem tarabu, ueakai kaka ko ageakar ageakarem. Gaire le uridili ageakalam kara kodo mer asoli.

Ioane 5:25

Ageakar, ageakar, kaka uabi detagereda, kega, Kerker ge maike uatabu, a peirdi, gaire eud Ade Ueremer ra kodo mer asoli; uiaba asoli ko ededem.

Ioane 6:65

E detaut, kega, Abelelam kaka uabi detagereda, le umer kak karim tabakeam, ese nole abi ikuar Baba de.

Ioane 8:37

Kaka umele uaba Aberahama ra omasker; epe nako uaba deraimer kari ipit, abelelam kara mer nole uabi nerkep ge.

Ioane 8:43

Nako uaba nole akmer kak kara mer? Abelelam uaba umer kak kara mer asoli.

Ioane 8:45

Abelelam kaka ageakar detaut, uaba nole kari oatur kak.