Ioane 8:38 - Miriam Mer Gospels 1902

³⁸ Kaka detager kaka dasmer kari Baba dog: a uaba ikerare abele gaire lu uaba asoli uaba abalam.

Ioane 8:38 ပူးပေါင်းရင်းမြစ်များ

Mataio 3:7

E nardarare gaire Faresaio giz gako Sadukaio giz tabakeuare abim bapataisoem, E ui daratagerare, kega, Areg tabo ra omasker ae, nete uabi detomerta uaba deraret abele niai urker?

Ioane 14:10

Nako, ma nole dikiapor kak, kaka muige Abaim, pako Aba karim muige? Abele gaire lu kaka uabi detager, kaka nole karbabu detager; epe Baba kari muige, E ikeli abele gaire dorge.

Ioane 14:24

Abele le nole kari lag, E nole kara mer erpei: abele mer uaba asoli nole kara mer, epe Baba de kari namarida.

Ioane 17:8

Abelelam kaka emetu uiabim ikuar gaire mer ma kari nakuar: uiaba emetu egaret, a uiaba umele marielam kaka nabue, a uiaba egaret, kega, Mama kari namarida.

Ioane 3:32

Abele lu E emetu dasmer a asoli, E ageakarem peik; a nole le abara ageakarem erpei.

Ioane 5:19

Iesu detaut, a uiabim daratagerare, kega, Ageakar, ageakar, kaka uabi detagereda, Uerem umer kak tababu dorge ikeli, epe mamoro E Ab dasmer ikeli: gaire lu E ikerare, Uerem ko abele keli.

Ioane 5:30

Kaka nole umer kak nerute lu ikeli karababu; kaka itmer mokakalam kaka asoli: kaka barkak itmer, abelelam kaka nole kara lag deraimer, mamoro Baba ra lag, kari namarida.

Ioane 8:26

Kaka nagri dordor lu ko detager, a ko dikiapor uabim: E ageakar, kari namarida; kaka gesepem detager gaire lu kaka asoli abielam.

Ioane 8:41

Uaba ikeli uaba aba ra dorge. Uiaba abi detager, kega, Keriba nole eruam omasker; netate keriba Aba, Ade.

Ioane 8:44

Uaba uaba abalam diabolo, uaba lagelag uaba abara lag ikeli. E dipe le gizelam, a nole ageakar, abelelam nole nerute ageakar abi dog. Ese E bes mer detaut, E detaut tababielam; abelelam E besbes, a aba bes apu.