Ioane 8:37 - Miriam Mer Gospels 1902

³⁷ Kaka umele uaba Aberahama ra omasker; epe nako uaba deraimer kari ipit, abelelam kara mer nole uabi nerkep ge.

Ioane 8:37 ပူးပေါင်းရင်းမြစ်များ

Mataio 13:15

Abelelam gaire le la nerkep abele ged au dobodob, pako asor kak uiaba grip, a uiaba pone esameida; ege nole asmer kak uiaba pone, pako asor kak uiaba grip, iaueakai uiaba nerkep nole asor kak, a depegili uiaba, a kaka ko ikuar eded akaida.

Mataio 3:9

Uaba nole uabi dikiapore uaba nerkeplam, kega, Aberahama keriba aba; abelelam kaka uabi detager Ade umele depegeli baker peike ko Aberahama ra omasker.

Ioane 10:31

Iudaia giz baker tais ko abi itimdare.

Ioane 11:53

Uiaba okaikes, a ditimeda abele gerger ge deraimer ko abi ipit eumida.

Ioane 5:44

Epe nako uaba ko oituli, uaba baospili egaret uabielam, a nole araimer kak naospereda Adelam tepteb?

Ioane 7:1

Abele gaire lu iobaru, Iesu Galilaiaem ekas: E nole la kak Iudaiaem ekas, abelelam Iudaia le giz deraimerare abi ipitare.

Ioane 7:19

Nako, Mose nole gelar uabi ikuar, a nole nerute uabielam gelar irmili? Epe nako uaba deraimer kari uanapitare?

Ioane 7:25

Eko uader le Ierusalemlam detaut, kega, Nako E dali uiaba deraimerare ko ipitare?

Ioane 8:33

Uiaba abi detautare, kega, Keriba Aberahama ra omasker, a nole didbare nerute le dog: epe nako ma detager, Keriba ko emariklu?

Ioane 8:43

Nako uaba nole akmer kak kara mer? Abelelam uaba umer kak kara mer asoli.

Ioane 8:56

Uaba aba Aberahama sererge kara gerger dasmer; E emetu dasmer, E ko sererge.

Ioane 8:59

Uiaba baker taisare ko abi itimdare: a Iesu gumik bakeamulu, a teosmelu zogo metalam.

Ioane 8:6

Uiaba detaut abele ge ko abi mirem, ueakai nagri mer ais abielam. Iesu esorgiru, a seb ge detali tagu.