Ioane 8:28 - Miriam Mer Gospels 1902

²⁸ Iesu uiabim detaut, kega, Ese uaba Le la Uerem armem tagis, uaba ko akmer kakanali, a kaka nole karbabu nerute lu ikeli, epe mokakalam Baba kari ereuerem, kaka detaut abele gaire lu.

Ioane 8:28 ပူးပေါင်းရင်းမြစ်များ

Mataio 24:5

Abelelam gaire le tabarki kara nei ge, kega, Kakanali abele Keriso; uiaba ko didmirik gaire le.

MAREKO 13:6

Abelelam gaire le ko kara nei ge tabarki, a detager, kega, Kakanali Keriso; a gaire le didmirki.

Luka 21:8

E uiabim detaut, kega, Uaba mamoro dikiaporare, nerute le uabi okardare: abelelam gaire le ko uatabarkare kara nei ge, kega, Kakanali. Ege abele kerker maike: uaba nole uiabim irimili.

Ioane 11:42

Kaka umele mama mena kari asoli: kaka emetu abele detager abelelam gaire le lakub derumeda, iaueakai uiaba ko egaret ma kari namarid.

Ioane 13:19

Kaka uabi detager, a nole bakedida abele lu, ueakai ese bakedida, uaba ko dikiapor kakanali.

Ioane 16:10

Barkaklam, abelelam kaka Babaim bakeam, uaba nole iako kari asmer kak:

Ioane 18:32

Ueakai Iesu ra mer bakedida, E emetu detager, a natomertare tonar eud E ko eumilu.

Ioane 19:18

Abele uteb ge, uiaba abi satauroem, neisi le abi kemem, nerute apek, a nerute apek, a Iesu eipu.

Ioane 3:11

Ageakar, ageakar, kaka mari natager, kega, Keriba detagereda abele gaire lu keriba erdarda, a ageakarem abele gaire lu keriba dasmereda; epe uaba nole arpeir kak abele keriba ageakarem.

Ioane 3:14

Mokakalam Mose taba armem agisilu abele soge purge, pako mokakalam Le la Uerem ko arem agisilu:

Ioane 4:26

Iesu abi detager, kega, Eko, kakanali mari mer atagere.

Ioane 5:19

Iesu detaut, a uiabim daratagerare, kega, Ageakar, ageakar, kaka uabi detagereda, Uerem umer kak tababu dorge ikeli, epe mamoro E Ab dasmer ikeli: gaire lu E ikerare, Uerem ko abele keli.

Ioane 5:30

Kaka nole umer kak nerute lu ikeli karababu; kaka itmer mokakalam kaka asoli: kaka barkak itmer, abelelam kaka nole kara lag deraimer, mamoro Baba ra lag, kari namarida.

Ioane 6:38

Abelelam kaka nole kotorlam tarabu ko ikeli kara lag, mamoro abara lag, E kari namarida.

Ioane 8:24

Abelelam kaka uabi detager, kega, Uaba ko eumida uaba uitelam: ese uaba nole egaret Kakanali, uaba ko eumida uabi uitelam.

Ioane 8:27

Uiaba nole akmer kak E Abaem uiabim detager.

Ioane 8:58

Iesu uiabim detaut, kega, Ageakar, ageakar, kaka uabi detager, Kakanali, Aberahama aosmer kak.