Ioane 8:24 - Miriam Mer Gospels 1902

²⁴ Abelelam kaka uabi detager, kega, Uaba ko eumida uaba uitelam: ese uaba nole egaret Kakanali, uaba ko eumida uabi uitelam.

Ioane 8:24 ပူးပေါင်းရင်းမြစ်များ

Mataio 24:5

Abelelam gaire le tabarki kara nei ge, kega, Kakanali abele Keriso; uiaba ko didmirik gaire le.

MAREKO 13:6

Abelelam gaire le ko kara nei ge tabarki, a detager, kega, Kakanali Keriso; a gaire le didmirki.

MAREKO 16:16

Ese nerute le oituli, a emetu bapataiso, E ko eded: ese nerute le nole oatur kak, E ko eumilu.

Luka 21:8

E uiabim detaut, kega, Uaba mamoro dikiaporare, nerute le uabi okardare: abelelam gaire le ko uatabarkare kara nei ge, kega, Kakanali. Ege abele kerker maike: uaba nole uiabim irimili.

Ioane 13:19

Kaka uabi detager, a nole bakedida abele lu, ueakai ese bakedida, uaba ko dikiapor kakanali.

Ioane 3:18

Abele le abi oituli nole mer barditug abim: abele le nole oatur kak emetu mer barditug abim, abelelam E nole oatur kak abele nei Ade ra Uerem netate.

Ioane 3:36

Abele le Ueremem oituli, E nagri eded aseamur kak: abele le nole Ueremem asor kak, E nole eded asmer kak, epe Ade ra urker abi tumge dikmerik.

Ioane 4:26

Iesu abi detager, kega, Eko, kakanali mari mer atagere.

Ioane 8:21

Iesu iako uiabim detaut, kega, Kai nabakeamulu, a uaba ko kari naraimerare, a uaba ko eumida uabi uitelam: uaba umer kak ko bakeam abele utebem kaka bakeam.

Ioane 8:25

Uiaba abi detautare, kega, Mama nete? Iesu uiabi detaut, kega, Pedali kaka uabi detager gizlam.

Ioane 8:28

Iesu uiabim detaut, kega, Ese uaba Le la Uerem armem tagis, uaba ko akmer kakanali, a kaka nole karbabu nerute lu ikeli, epe mokakalam Baba kari ereuerem, kaka detaut abele gaire lu.

Ioane 8:58

Iesu uiabim detaut, kega, Ageakar, ageakar, kaka uabi detager, Kakanali, Aberahama aosmer kak.