Ioane 8:19 - Miriam Mer Gospels 1902

¹⁹ Uiaba abi detautare, kega, Mara Aba nade? Iesu detaut, Uaba nole kari umer kak, a kara Aba: ese uaba kari umele, uaba kara Aba umele.

Ioane 8:19 ပူးပေါင်းရင်းမြစ်များ

Mataio 11:25

Peike abele haua ge Iesu abi detager, kega, Kaka marim esoao, kara Baba ae, kotor Opole pako geseb ge, abelelam ma ispi gaire lu ike gaire pardale le giz pako umele le, a ma etomeret gaire lu ike uiabim gaire uerem giz:

Ioane 1:10

E geseb ge, a geseb abi atagemlam, a geseb nole abi ardar kak.

Ioane 1:18

Nole le Ade asmer kak; epe abara Uerem tepteb taba Aba ra marmot, E etomeret.

Ioane 15:21

Abele gaire lu uridili uiaba uabim ikeli kara neilam, abelelam uiaba nole abi umer kak kari namarida.

Ioane 16:3

Uiaba ko ikeli abele gaire lu, abelelam uiaba nole umer kak Aba, a kaka.

Ioane 17:3

Abele eded aseamur kak, kega, Uiaba ko mari nasmereda Ade kar netat, a Iesu Keriso mama namarida.

Ioane 7:28

Iesu ereretiki zogo meta ge, E okadeskeda a detager, kega, Uaba kari umele, a uaba umele kaka nagelam; kaka nole karbabu tabarki, E ageakar, kari namarida, a uaba abi umer kak.